Nəsimi rayonunda Vətən müharibəsi Şəhidi Rauf Əliyevin anım günü ilə əlaqədar tədbir keçirilib.
Vətən müharibəsi şəhidi Əliyev Rauf Səxavət oğlunun anım günü ilə əlaqədar Nəsimi rayon İcra Hakimiyyəti və 19 saylı tam orta məktəbin birgə təşkilatçılığı ilə tədbir keçirilib.
Tədbirdə Nəsimi rayon İcra Hakimiyyətinin məsul əməkdaşları, 19 nömrəli tam orta məktəbin kollektivi, şagirdləri və şəhid Rauf Əliyevin valideynləri iştirak ediblər.
Tədbiri giriş sözü ilə açan məktəbin direktoru Nailə Cəfərova çıxış edərək bildirdi ki, Vətən müharibəsi şəhidi Əliyev Rauf Səxavət oğlu məktəbdə oxuduğu illərdə məktəb kollektivinin hörmətini qazanmış, vətənpərvər bir şagird kimi daim digər məktəblilərə nümunə olmuşdur.
Nəsimi rayon İcra Hakimiyyəti Başçısının birinci müavini Gülarə Verdiyeva çıxış edərək bildirdi ki, Vətən müharibəsi şəhid ailələrinin, əlillərin və iştirakçıların sosial müdafiəsinin gücləndirilməsi istiqamətində dövlətimiz tərəfindən ardıcıl olaraq sistemli və davamlı tədbirlər həyata keçirilir. Xüsusi vurğulandı ki, rayonumuzda yaşayan şəhid ailələrinin, qazilərin və müharibə iştirakçılarının hər birinin qayğısı bizim qayğımızdır.
Tədbirdə Şəhid Rauf Əliyevin anası Xavər Əliyeva çıxış edərək tədbirin təşkilatçılarına öz minnətdarlığını bildirdi.
Tədbirin sonunda məktəblilərin hazırladıqları kompazisiyalar tədbir iştirakçılarına təqdim olundu.
(186).jpeg)
(178).jpeg)
(193).jpeg)
(151).jpeg)
(133).jpeg)
(112).jpeg)
(33).jpeg)
