1 İyun- Uşaqların Beynəlxalq Müdafiəsi günü münasibətilə Nəsimi rayon İcra Hakimiyyəti tərəfindən xüsusi qayğıya ehtiyacı olan uşaqlar üçün bayram tədbiri keçirildi.

Dövlətimizin başçısı İlham Əliyevin rəhbərliyi ilə həyata keçirilən hərtərəfli inkişaf strategiyası ölkə həyatının bütün sahələrini əhatə edir, o cümlədən cəmiyyətimizin kövrək təbəqəsi olan uşaqlara yüksək qayğı ilə yanaşılır, onların problemlərinin həlli istiqamətində konkret addımlar atılır. Azərbaycan dövlətinin bu istiqamətdə atdığı addımlara Birinci vitse-prezident Mehriban Əliyevanın rəhbərlik etdiyi Heydər Əliyev Fondu da olduqca böyük töhfələr verir. Fondun təşəbbüsü ilə xüsusi qayğıya ehtiyacı olan uşaqların sosial müdafiəsi və reabilitasiyası, müasir infrastrukturların yaradılması üzrə məqsədyönlü işlər görülür. Nəsimi rayon İcra Hakimiyyəti xüsusi qayğıya ehtiyacı olan uşaqlara mütəmadi baş çəkilir, görüşlər keçirilir, xeyirxah tədbirlər, mədəni yığıncaqlar təşkil edilir. Belə ki, il ərzində RİH tərəfindən əlillər və xüsusilə də əlil uşaqlarla bağlı bir sıra  tədbir təşkil olunur. 

Nəsimi Rayon İcra Hakimiyyəti  təşkilatçılığı ilə 1 İyun- Uşaqların Beynəlxalq Müdafiəsi günü münasibətilə “KOALA PARK” Uşaq Əyləncə Mərkəzində Nəsimi rayonunda yerləşən  268 nömrəli xüsusi məktəbin  uşaqları ilə  süfrə arxasında keçirilən tədbirdə, onların qayğıları ilə maraqlanılıb. Eyni zamanda onlar müxtəlif oyun elementlərindən istifadə etmişlər. Sonra uşaqlara  hədiyyələr təqdim edilib.

Görüşdə  məktəb rəhbərliyi  xüsusi qayğıya ehtiyacı olan uşaqlar adından Azərbaycan Respublikasının Prezidenti  İlham Əliyevə və Birinci vitse-prezident Mehriban Əliyevaya hər zaman göstərdikləri qayğıya, diqqətə görə dərin minnətdarlığını bildirmişdir.

Eyni zamanda Nəsimi rayon İcra Hakimiyyətinin məsul əməkdaşları 1 nömrəli Körpələr Evində valideyn himayəsindən məhrum olmuş uşaqları ziyarət etmiş, rayon İcra Hakimiyyəti tərəfindən onlara bayram sovqatları verildi.

Sonda Nəsimi rayonunda yaşayan 5 uşaqlı, 4 uşaqlı və 3 uşaqlı ailələrin evlərinə ziyarət olunmuş və onlara bayram hədiyyələri təqdim olundu.