Nəsimi rayon məktəbliləri “Sərhədçi” hərbi-vətənpərvərlik düşərgəsində

İyul ayının 12-də “Laza” sərhəd zastavasında Dövlət Sərhəd Xidmətinin, Nəsimi rayon İcra Hakimiyyəti nümayəndələrinin, müəllim və şagirdlərin iştirakı ilə “Sər­hədçi” hərbi-vətənpərvərlik düşərgəsinin təntənəli açılış mərasimi keçirilmişdir. Mə­rasimdə Azər­baycan Respublikasının Prezidenti, Silahlı Qüvvələrin Ali Baş Ko­mandanı cənab İlham Əliyevin gənc nəslin Vətənə məhəbbət, Azərbaycan döv­lətçiliyinə sədaqət ruhunda tərbiyə olunmasına, sağlam böyüməsinə göstərdiyi diq­qət və qayğı xüsusi vurğulan­mışdır. Yay düşərgəsinin sərhəd zastavasının ba­zasında təşkil olunmasının əsas məqsədlərindən biri də gələcək əsgərlərin sərhəd zastava­sındakı xidmət və məişət  şəraiti, silah və texnika ilə yaxından tanış olma­sından, onlarda sərhədçi peşəsinə marağın daha da artırılmasına şərait yaradıl­masından ibarət olduğu qeyd edilmişdir.

Müəllimlərlə yanaşı, şagirdlərin təlim-tərbiyə işləri ilə sərhədçi zabitlər məşgul ola­caq, meşəlik ərazidə silahlı sərhəd pozucularının saxlanılması və sərhəd zastava­sına müşayiət edilməsi mövzusunda məşğələ, pnevmatik silahdan atıcılıq yarışı, avtomat silahının sökülüb-yığılması, narkotik maddə və partlayıcı vasitənin xidməti itlər tərəfindən axtarılıb tapılması, sıra hazırlığı məşğələsi və digər tədbirlər şa­girdlərin istirahətini daha maraqlı, səmərəli və yaddaqalan edəcəkdir. 

Yay düşərgəsində mək­təblilərin mənalı isti­rahət etmələri üçün xüsusi tədbirlər planı hazırlanmış, məktəblilər arasında mini futbol, şahmat, dama və stolüstü ten­nis yarışları, müxtəlif əy­ləncəli musiqili tədbirlərin, Azərbaycan kinomatoq­raf­çıları tərəfindən vətənpərvərlik mövzularında çəkilmiş filmlərin və Dövlət Sərhəd Xidmətinin fəaliyyətini əks etdirən videoçarxların nümayiş etdirilməsi nəzərdə tutu­lur. Yay düşərgəsi zamanı şagirdlər üçün Qəbələ rayo­nunun görməli yerlərinə, mədəniyyət ocaqlarına ekskursiyalar təşkil olunacaq, bu da məktəblilərin regionla yaxından tanış olmalarına imkan verəcəkdir.