Nəsimi rayon İcra Hakimiyyətinin başçısı sakinlərlə səyyar qəbulda

Nəsimi rayon İcra Hakimiyyətinin başçısı Asif Əsgərov  3 nömrəli Sahə İnzibati Ərazi Dairəsi üzrə səyyar qəbulda   sakinlərin müraciətlərini dinləmişdir.

Sakinlər bir sıra məsələlərlə ilə bağlı, o cümlədən mənzil məsələsi, qəzalı vəziyyətdə olan  eyvanların təmiri, həyətlərin abadlaşdırılması, kanalizasiya xətdindəki nasazlığın aradan qaldırılması, tibbi müayinə tədbirləri çərçivəsində ixtisaslaşdırılmış tibb müəssisələrinin birində göz müayinəsinin təşkil edilməsi barədə müraciətlər etmişlər. Bir qrup sakin yaşadıqları məhəllədəki evlərin istismar müddəti keçdiyindən yararsız və yaşayış üçün əlverişsiz olduğunu nəzərə alaraq pilot layihələrə salınması,  R.Behbudov küçəsində nəqliyyat vasitələrinin intensivliyini nəzərə alaraq piyada keçidləri ilə bağlı məsələlərə baxılması istəyini bildirmişlər.

Qəbulda iştirak edən sakinlərlə Möhtərəm Prezidentimiz İlham Əliyevin rəhbərliyi ilə ölkəmizdə əldə olunan uğurlardan, xalqımızın rifahı və ölkəmizin tərəqqisi naminə atılan müdrik addımlardan, Nəsimi rayonunda da görülən işlərdən ətraflı danışılmışdır. Müraciətlərdə sakinlər istəkləri ilə bərabər, ölkəmizin, paytaxtımızın gündən-günə gözəlləşməsi, aparılan abadlıq-quruculuq işlərinə, vətəndaşlara göstərilən diqqət və qayğıya görə cənab İlham Əliyevə və Mehriban xanım Əliyevaya minnətdarlıqlarını bildirmişlər.

Müraciətlərlə bağlı qəbulda iştirak edən rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin  məsul şəxslərinə müvafiq tapşırıqlar verilmişdir. Qəbulun gedişində sakinləri maraqlandıran digər məslələr barədə söhbət aparılmışdır.