Nəsimi rayon İcra Hakimiyyətinin başçısı səyyar qəbulda

21 dekabr 2019 | 16:00

Nəsimi rayon İcra Hakimiyyətinin başçısı Asif Əsgərov mikrorayondakı 20 Yanvar küçəsi, Mir Cəlal küçəsi, Cavadxan küçəsi ərazilərində yaşayan sakinlərin rayon İH tərəfindən təşkil olunmuş səyyar qəbulunda müraciətlərini dinləmişdir.

Sakinlərdən Nağıyeva Minayə, Şükürov Əhməd, Talıbova Natiqə, Dadaşov Orxan, Həsənova Şərafət və digərləri bir sıra məsələlərlə bağlı, o cümlədən MTK-ya məxsus binanın zirzəmi sahəsindəki kanalizasiya xəttinin və liftin təmiri, damlardakı su çənlərinin və həyətdəki qanunsuz çəpərlərin yığışdırılması, yolun təmiri, həyətlərin işıqlandırılması və abadlaşdırılması barədə müraciətlər etmiş, təkliflər irəli sürmüşlər. Müraciətlərlə bağlı rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilmişdir. Qəbul zamanı sakinlər müraciətlərilə yanaşı Nəsimi rayonunda, xüsusilə mikrorayonlarda aparılan quruculuq, abadlıq işlərindən razı qaldıqlarını və görülən işlərə görə Möhtərəm Prezidentimiz cənab İlham Əliyevə minnətdarlıqlarını bildirmişlər.

Keçidlər