Azərbaycan Respublikasının Birinci vitse- prezidenti Mehriban xanım Əliyevaya

Hörmətli Mehriban xanım!

Sizi – Azərbaycanın ictimai-siyasi həyatında müstəsna xidmətləri olan, xalqın dilində və ürəyində ehtiramla yaşanan görkəmli dövlət xadimini Nəsimi rayon ictimaiyyəti adından - Ad gününüz münasibətilə səmimi-qəlbdən  təbrik  edirik. 

Hörmətli Mehriban xanım!

Siz bütün mədəniyyətlərin bəşəriyyətə təlqin etdiyi ali dəyərləri öz görkəmli fəaliyyətiniz ilə təsdiq edərək cəmiyyətimiz üçün yeni dəyərlər formalaşdırır, ictimai meyarlar yaradır, xeyirxahlığı, mərhəməti, insanlara sevgini həyat normasına çevirirsiniz.

Siz çoxşaxəli layihələrinizdə Heydər Əliyev ideallarını rəhbər tutur, insanlığın və bəşəriyyətin nicatına xidmət edən nəcib missiya həyata keçirirsiniz. Bu məsuliyyətli missiya Ulu öndər Heydər Əliyevin müəyyənləşdirdiyi, onun layiqli siyasi davamçısı - Azərbaycan Respublikasının Prezidenti cənab İlham Əliyevin inamla davam etdirdiyi strateji siyasi kursun həyata keçirilməsinə, bu siyasətin hər bir vətəndaşın həyatında qabarıq hiss olunmasına xidmət edir.

Sizin təşəbbüsünüz ilə humanitar, elm və təhsil, sosial, idman, mədəniyyətlər və sivilizasiyalararası dialoq və digər istiqamətlərdə həyata keçirilən tədbirlər həm ölkədə, həm də ölkəmizin hüdudlarından kənarda rəğbətlə qarşılanır. Ən əsası, təvazökarlıqla reallaşdırdığınız layihələr ölkəmizin daha böyük uğurlar qazanmasında mühüm rol oynayır. 

Hörmətli Mehriban xanım!

Bu illər ərzində Azərbaycanda elə bir sahə, elə bir proses olmayıb ki, orada Sizin iziniz, əməyiniz, xidmətiniz, zəhmətiniz duyulmasın. Azərbaycanın qazandığı bütün zəfərlərdə, imza atdığı bütün uğurlarda Sizin xüsusi rolunuz, əməyiniz və payınız vardır. Siz hər bir sahəyə, hər bir prosesə, Azərbaycan naminə görülən hər bir işə Möhtərəm Prezidentimiz cənab İlham Əliyevin ali fəaliyyəti ilə vəhdət təşkil edən töhfənizi verirsiniz.

Bu vəhdət ölkəmizin ərazi bütövlüyünün bərpasında, müstəqilliyimizin qorunmasında, Azərbaycanın daha da qüdrətlənməsində, xalqımızın düşmən üzərində qazandığı  haqq qələbəsində  parlaq təzahür edir. Xalqın birliyinə əsaslanan belə möhtəşəm xidmət ölkəmizin ali dəyərlərini daha da möhkəmləndirəcək, yeni zəfərlərin əldə olunmasını təmin edəcəkdir.

Hörmətli Mehriban xanım!

Bir daha Sizi – xalqımızın inkişafı naminə çalışan, dövlətimizin möhkəmliyinin, müstəqilliyinin, əbədiliyinin və dönməzliyinin təmin olunması üçün müstəsna xidmətlər göstərən görkəmli dövlət xadimini – Ad  gününüz münasibətilə təbrik etməkdən böyük şərəf duyur, Sizə yorulmaz, bitmək-tükənmək bilməyən ictimai-siyasi fəaliyyətinizdə yeni parlaq zəfərlər, böyük nailiyyətlər, daim firavanlıq, xoşbəxtlik,  uzun ömür, cansağlığı diləyir, Azərbaycanımız var olduqca, Möhtərəm Prezidentimizlə Siz də var olun, əbədiyaşar olun deyirik !

Dərin hörmət və ehtiramla,

Nəsimi rayon İcra Hakimiyyətinin

Başçısı

                                                                       Asif Əsgərov