Rayon İcra Hakimiyyəti 1 saylı UGİM-nin avtoşəhərciyində məktəblilərin iştirakı ilə növbəti tədbir keçirib.
2020-ci il ərzində Rayon ərazisində fəaliyyət göstərən 1 saylı Uşaq Gənclər İnkişaf Mərkəzində uşaqların yol hərəkəti qaydalarını öyrənmələri və yol nişanlarını tanımaları üçün uşaq avtoşəhərciyində şagirdlərə təhlükəsiz davranış qaydalarını öyrətmək, uşaqların yol hərəkəti qaydaları barədə bilik səviyyəsini və ona əməl etmək bacarıqlarını nümayiş etdirməkdən ibarət olan silsilə tədbirlər keçirilib.
Həmin tədbirlərin davamı olaraq 2020-ci ilin oktyabr ayının 14-də növbəti tədbir keçirilib. Bu cür tədbirlərin keçirilməsində məqsəd uşaq və yeniyetmələrin iştirakı ilə yol-nəqliyyat hadisələrinin qarşısının alınması istiqamətində profilaktik tədbirlərin gücləndirilməsi, eləcə də şagirdlərə təhlükəsiz davranış vərdişlərinin aşılanmasından ibarətdir.
Tədbirdə təhlükəsiz davranış qaydalarının öyrədilməsi, yol hərəkəti qaydaları barədə bilik səviyyəsinin artırılması və ona düzgün riayət edilməsindən bəhs edilib, sonda yol nəqliyyat nişanlarına aid rəsm müsabiqəsi keçirilib.
Belə tədbirlərin əhəmiyyətini nəzərə alaraq bu istiqamətdə işlərin davam etdirilməsi prioritet məsələlərdən biridir.
