Nəsimi rayonunda "Gül bayramı" keçirilmişdir

Azərbaycan xalqının Ümummilli lideri Heydər Əliyevin anadan olmasının 92 -ci ildönümü münasibətilə Nəsimi rayonunda "Gül bayramı" keçirilmişdir. Gül sərgisində Nəsimi rayonunun ümumtəhsil məktəbləri, məktəbəqədər və məktəbdənkənar müəssisəsi şagirdlərinin eləcə də ayrı-ayrı rayon sakinlərinin müxtəlif mövzularda 7000-dən artıq əl işi nümayiş olunmuşdur. 100.000-dən çox təbii çiçək növü bitki və yarpaqlardan hazırlanan kompazisiyalar və müxtəlif bəzək əşyaları və rəngli kağızlardan düzəldilən aplikasiyalar, ekibano və rəngarəng rəsmlər tamaşaçılar tərəfindən böyük maraqla qarşılandı.

Rayon İcra Hakimiyyətinin Başçısı Nəsib Məhəməliyev, Millət vəkilləri Ziyad Səmədzadə, Asim Mollazadə, rayonun hüquq mühafizə orqanları, təhsil, səhiyyə və mədəniyyət ocaqları və rayon ictimaiyyətinin nümayəndələri sərgidə nümayiş olunan əsərlərlə tanış olmuşdurlar. Orta məktəb şagirdləri və baxça uşaqları Gül bayramında iştirak edən rayon sakinlərini və qonaqları şən-şux mahnılar, şer və rəqslərlə qarşıladılar. Məktəblilərin rəngarəng kompazisiyaları, plakatı, bano və digər əl işləri xoş ovqat yaradıb. Ən çox bəyənilən əl işlərinə münsiflər tərəfindən qiymət veriləcək və qaliblər mükafatlandırılacaq. Tədbir ümumxalq bayram gəzintisi və konsert proqramı ilə davam etdirilmişdir.