Nəsimi rayonunda Bakı 2015 I Avropa Oyunlarına həsr olunmuş Şotokan karatedo üzrə 24-cü Azərbaycan Çempionatı və birinciliyinə həsrolunmuş yarış keçirilmişdir.
30.05.2015-ci il tarixdə 12 saylı İdman Məktəbində Azərbaycan Şotokan karatedo Fedarasiyasının təşkilatçılığı, Gənclər və İdman Nazirliyi və Təhsil Nazirliyinin dəstəyi ilə Bakı 2015 I Avropa Oyunlarının təbliğinə həsr olunan idman yarışı dövlət himninin səslənməsi ilə başlamışdır. Mərasimdə çıxış edən federasiya rəsmiləri Nəsimi rayon İcra Hakimiyyətinin nümayəndələri Avropa Oyunlarının ölkəmiz üçün əhəmiyyətindən danışıblar. Ölkəmizin Avropa Oyunlarına yüksək səylə hazırlaşdığını bildirən natiqlər bu oyunların dünyanın idman tarixinə qızıl hərflərlə yazılacağını bildirib. Qeyd olunub ki, I Avropa Oyunlarının ölkəmizdə təşkili Azərbaycanın iqtisadi, siyasi eləcə də idman gücünün göstəricisidir. Çıxış edənlər həmçinin yarışın avropa oyunlarının uşaq və yeniyetmələr arasında təbliği baxımından əhəmiyyətini xüsusi vurğulayıblar.
Turnirdə respublikamızın müxtəlif bölgələrini əhatə edən 200-ə yaxın yeniyetmə qüvvəsini sınamışdır. Yarışların mükafatçıları milli komandanın heyətinə cəlb ediləcək. Qeyd etmək lazımdır ki, ölkə çempionatı və birinciliyəmayın 31-i yekun vurulacaq.
