Cənab Vilfred Lemke “Real Madrid” Sosial Futbol Məktəbini ziyarət etmişdir

12 iyun 2015-ci il tarixində Bakı 2015 Avropa Oyunlarında iştirak etmək üçün Azərbaycana dəvət olunmuş BMT-nin Sülh və İnkişaf Naminə İdmanın xüsusi müşaviri cənab Vilfred Lemke (Mr.Wilfried Lemke), Nəsimi rayonu, H.B.Əliyev küçəsi 46/52 ünvanda yerləşən “İnkişaf Naminə İdman” ictimai birliyinin qonağı oldu. Müşavir ictimai birliyin fəaliyyəti ilə yaxından tanış olmaq üçün təşkilatın Nəsimi rayonu ərazısində fəaliyyət göstərən Real Madrid Fondunun sosial futbol məktəbinə səfər etdi.

Uşaqların məşq prosesini izləyən cənab Lemke İNİ-in işçi heyyəti və Nəsimi rayon icrahakimiyyəti başçısının muavini Anar Tağıyev ilə görüşdü. Görüş zamanı təşkilatın işçi heyəti cənab Lemkeyə təşkilatın yaranma tarixi, məqsədi və fəaliyyət sahələri, həmçinin keçmiş və cari layihələri haqqında ətraflı məlumat verdilər.

Layihənin direktoru Pirəli Rəhimov cənab Lemkeye məktəbin fəaliyyəti haqqında danışaraq onun keçmiş sovet məkanında birinci, Avropada isə 8-ci olduğunu söylədi. Pirəli müəllim Azərbaycanda təyinatına görə ilk olan bu sosial futbol məktəbinin 2013-cü ildə Azərbaycan Respublikası Gənclər və İdman Nazirliyi və Real Madrid Fondu arasında imzalanmış əməkdaşlıq müqaviləsi çərçivəsində yaradıldığını söylədi.

Nəsimi rayon icra hakimiyyətinin muavini cənab Anar Tağıyev rayon ərazisində fəaliyyət göstərən sosial futbol məktəbinin və bu kimi layihələrin uşaqların və gənclərin sağlam və fəal böyüməsi, sosial bacarıqlarının inkişaf etdirilməsi baxımından əhəmiyyətini vurğuluyaraq rayonun müxtəlif ünvanlarında 10-dan artıq məhəllədaxili idman meydançalarının yaranmasından danışdı. Cənab Tağıyev bədən tərbiyəsi və idmanın Azərbaycan dövlətinin gənclər və sosial siyasətinin əsas hissəsini təşkil etdiyini, bu sahənin dövlət başçısı və eyni zamanda Milli Olimpiya Komitəsinin prezidenti cənab İlham Əliyevin daim diqqət mərkəzində olduğunu vurğuladı. 

Daha sonra cənab Lemke məktəbin azyaşlı uşaqlardan ibarət futbol komandalarının gənc üzvləri ilə söhbət edərək onlara idmanın sülh və inkişaf sahəsindəki misilsiz rolu haqqında danışdı.

Görüşün sonunda qarşılıqlı hədiyyə mübadiləsindən sonra cənab Lemke təşkilatın işçi heyəti vəuşaqlarla xatirə şəkli çəkdirdi.