Nəsimi rayonunda Novruz bayramına həsr olunmuş tədbirlər keçirilir.

Nəsimi rayonunda Xalqımızın milli bayramı olan Novruza həsr olunan tədbirlər təşkil edilib keçirilir. 11 mart 2016-cı il tarixdə 46 saylı tam orta məktəbdə keçirilən “Novruz gəlir, Yaz gəlir” adlı tədbirdə Nəsimi Rayon İcra Başçısı Asif Əsgərov, Tibb Univerisitetinin prorektoru, professor Sabir Əliyev, Təhsil Nazirliyinin Təhsil sektorunun İnkişaf Layihəsinin İctimaiyyətlə Əlaqələr Sahəsinə İnstusiyanal İnkişaf üzrə kordinator Elçin Sərdarov, İpək Yolu Gənclər Birliyinin Baş katibi Aytən Əliyeva, UNİCEF-in məsləhətçisi Nik Nvolisa, Bakı şəhər Təhsil İdarəsinin metodistləri, Azərbaycan Respublikasının Prezidenti yanında Bilik Fondunun nümayəndələri iştirak etmişlər.

Məktəbdə gənc rəssam- şagirdlərin yazın gəlişini əks etdirən rəsmlərdən ibarət sərgi təşkil edilmişdir. Məktəbin xor kollektivi,  skripkada, saz və tarda ifa edən şagirdlər qonaqların zövqünü oxşayan mahnılar səsləndirmişlər. Həmçinin məktəbin və Azərbaycanın adını Beynəlxalq idman yarışlarında yüksəldən iki güləşçi şağird də öz məharətlərini nümayiş etdirmiş, məktəbin məharətli qız şağirdləri milli mətbəximizin və Novruzun atributları olan şəkərbura və paxlavanın hazırlanmasını qonaqlara nümayiş etdirmişlər.

Tədbirdə Novruz bayramına həsr olunmuş səhnəciklər göstərilmiş, şağirdlər zəngin milli rəqslərimizi və Novruz oyunlarını qonaqlara təqdim etmişlər.

Tədbirin sonunda çıxış edən Nəsimi Rayon İcra Başçısı Asif Əsgərov Novruz bayramının qeyd olunmağa başladığı tarixdən danışdı və bu adət-ənənələri öz övladlarına öyrədən valideynlərə və müəllimlərə təşəkkürünü bildirmişdir.

Rəsm müsabiqəsində yer tutmuş 11-ci sinif şagirdi Baxşəliyeva Sevinc bayram münasibəti ilə çəkdiyi rəsmi İcra Başçısına hədiyyə olaraq təqdim etmişdir.

Sonda xatirə şəkilləri çəkdirilmişdir.