Nəsimi məktəbliləri Lənkəran-Masallı-Astara rayonlarına yola düşdülər

Əsas məqsədi gənc nəslin Vətənə, tariximizə, mədəniyyətimizə, milli adət-ənənələrimizə hörmət və məhəbbət ruhunda tərbiyə edilməsi olan və əsası ulu öndər Heydər Əliyev tərəfindən qoyulmuş gənclər strategiyasını uğurla davam etdirən Azərbaycan Respublikasının Prezidenti İlham Əliyevin tapşırığına  12-15 noyabr  2016-cı ildə  Nəsimi rayon orta ümumtəhsil məktəblərinin 9-11-ci siniflərində təhsil alan 40 nəfər məktəbli şagird  Lənkəran-Masallı-Astara   rayonlarına “Ölkəmizi tanıyaq” devizi altında maarifləndirici tur-aksiyası təşkil olunmuşdur.

Azərbaycan Respublikasının Prezidenti cənab İlham Əliyevin tapşırığına əsasən «Ölkəmizi tanıyaq» devizi ilə yeniyetmələrin respublikamızın müxtəlif rayonları ilə tanışlığı üçün təşkil olunmuş maarifləndirici tur-aksiya çərçivəsində 12 noyabrda Nəsimi rayonundan olan məktəblilərin  yola salınma mərasimi keçirilmişdir.

Nəsimi rayon məktəbliləri Ümummilli Lider Heydər Əliyevin abidəsi önünə gül çiçəklər  düzərək Ümummilli Liderə ehtiram və dərin məhəbbətlərini bildirdilər.

Daha sonra  məktəblilər onları yola salan valideynləri və müəllimləri qarşısında Konstitusiya gününə həsr olunmuş flaşmob nümayiş etdirdilər.

Yola salma mərasimində  çıxış edən valideyinlər və məktəblilər məktəblilərə - uşaqlara göstərilən xüxusi diqqət və qayğıya görə ölkə başçısı cənab İlham Əliyevə dərin minnətarlıqlarını bildirmişlər.

Sonra məktəblilər xatirə şəkilləri çəkdirmiş və Dövlət Yol Polisinin avtomaşınının müşayəti ilə yola salınmışlar.