A.Məhərrəmov 45, 47 saylı binalarda abadlıq və quruculuq işləri yekunlaşmaq üzrədir.
Bakı şəhərində aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.
Hazırlanmış layihəyə uyğun olaraq A.Məhərrəmov küçəsi 45, 47 saylı binaların həyətində, binanın dam örtüyü və fasadında bərpa və rəngləmə işləri aparılıb, yağış suları axıdan borular və navalçalar dəyişdirilib, giriş qapıları və pəncərələr yenisi ilə əvəz olunub, həyətə yeni bardürlər və tamet daşları vurulub, istinad divarları aqlay üzlüklərlə bərba olunub.
Eyni zamanda A.Məhərrəmov küçəsi 45, 47 saylı binaların həyətində sakinlərin asudə vaxtlarının səmərəli təşkili üçün müxtəlif növ uşaq oyun elementləri və söhbətgah quraşdırılıb.
Hal hazırda işlər yekunlaşmaq üzrədir, həyətdə yaşıllıq zolaqlarının salınması, asfalt örtüyünün vurulması işləri aparılır.
