Asif Məhərrəmov 33 saylı binada yenidənqurma və abadlıq işləri davam edir.
Bakı şəhərində aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.
Hazırlanmış layihəyə uyğun olaraq Asif Məhərrəmov 33 saylı binanın həyətində istinad divarlarının bərpası, çəpərə alınmış sahələrin açılması, kök üstə qurumuş və təhlükəli vəziyyətdə olan ağacların budanılıb ərazidən çıxarılması işləri nəzərdə tutulub.
Asif Məhərrəmov 33 saylı ümumi yaşayış binasının fasadının bərpası işləri davam edir. Eyni zamanda binanın giriş blokları təmir olunur, qapı və pəncərələrin yeniləri ilə əvəz olunur, yağış suları axıdan boru və navalçaların dəyişdirilir, dam örtüyünün əsaslı təmir olunur. Qeyd edək ki, həyətə bardur və tamet daşlarının vurulması və işiqlandırma sisteminin yenilənməsi işləri də nəzərdə tutulub.
Sakinlərin asudə vaxtlarının səmərəli təşkili üçün söhbətgah, oturacaqlar və müxtəlif növ uşaq- oyun elementlərinin quraşdırılması işləri də nəzərdə tutulub.
İşlərin keyfiyyətlə həyata keçirilməsi daim nəzarətdə saxlanılmaqla, hazırda rayonun digər ünvanlarında da abadlıq, quruculuq, yenidənqurma işləri davam etdirilir.
