Azərbaycan Silahlı Qüvvələrinin hərbi qulluqçusu Kazımov Vüsal Vüqar oğlunun məzarı ziyarət olundu.
03.02.2022 –ci il tarixdə Şuşa istiqamətində hərbi yük avtomobilinin qəzaya uğraması nəticəsində xəsarət alan Azərbaycan Ordusunun müddətli həqiqi hərbi xidmət hərbi qulluqçusu əsgər Kazımov Vüsal Vüqar oğlu hərbi tibb müəssisəsinə təxliyə olunmuşdu. Lakin həkimlərin səylərinə baxmayaraq, onun həyatını xilas etmək mümkün olmamışdır.
Azərbaycan Silahlı Qüvvələrinin hərbi qulluqçusu Kazımov Vüsal Vüqar oğlu İkinci Şəhidlər Xiyabanında dəfn olunub.
Əsgər Kazımov Vüsal Vüqar oğlunun ailə üzvlərinin, Nəsimi Rayon İcra Hakimiyyətinin başçısının, RİH başçısı aparatının məsul əməkdaşlarının, rayon ictimaiyyətinin iştirakı ilə əziz xatirəsi dərin hörmət və ehtiramla yad olunub, məzarı üzərinə gül-çiçək dəstələri düzülüb.
Ailə üzvləri göstərilən diqqət və qayğıya görə minnətdarlıqlarını bildiriblər.
