Cavadxan 28,32 saylı ünvanlarda yenidənqurma işləri davam etdirilir.

Bakı şəhərində  aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.

Hazırlanmış layihəyə uyğun olaraq Nəsimi rayonu Cavadxan küçəsi 28, 32 saylı ünvanda yerləşən ümumi yaşayış binalarında və onları əhatə edən həyətyanı sahədə abadlıq-quruculuq işləri davam edir.

Cavadxan küçəsi 28, 32  saylı ümumi yaşayış binaların fasadında əsaslı təmir işləri davam etdirilir. Binaların dam örtüyü əsaslı təmir edilib, yağış suları axıda boru və navalçalar dəyişdirilib. Həyətdə istinad divarları hörülərək aqlay daşla üzlənib, yeni işıqlandırma sistemi çəkilib.

Həyətdə kök üstə qurumuş və təhlükəli vəziyyətdə olan ağaclar budanılaraq ərazidən çıxarılıb, qanunsuz hasara alınmış çəpərlər sökülərək ərazilər sakinlərin ümumi istifadəsinə verilib.

Eyni zamanda sakinlərin asudə vaxtlarının səmərəli təşkili üçün söhbətgah, oturacaqlar və müxtəlif növ uşaq-oyun elementlərinin  quraşdırılması, yeni asfalt örtüyünün və qazon örtüyünün vurulması, eyni zamanda avtomabillərin saxlanılması üçün xüsusi yerlərin ayrılması işləri nəzərdə tutulub.

Binanın giriş blokları təmir edilib, hal-hazırda qapı və pəncərələri yeniləri ilə əvəz olunur. Həyətdə torpaq işləri görülür, bardür və tamet daşları düzülür.

İşlərin keyfiyyətlə həyata keçirilməsi daim nəzarətdə saxlanılmaqla,  hazırda rayonun  digər ünvanlarında  da abadlıq, quruculuq, yenidənqurma işləri davam etdirilir.