Cavadxan küçəsi 26,30 saylı ünvanlarda abadlıq-quruculuq işləri davam edir.

Bakı şəhərində  aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.

Hazırlanmış  “Abad həyət” layihəsinə uyğun olaraq Nəsimi rayonu Cavadxan küçəsi 26, 30 saylı ünvanda yerləşən ümumi yaşayış binalarında və onları əhatə edən həyətyanı sahədə abadlıq-quruculuq işləri davam edir.

Həyətdə kök üstdə qurumuş ağaclar təmizlənərək  ərazidən çıxarılıb,  budanma təmizlik işləri aparılıb.

Nəzərdə tutulmuş işlər çərçivəsində  ümumi yaşayış binalarının fasadında və dam örtüyündə əsaslı təmir işlərinə başlanılıb. Qeyd edək ki, binalarda  yağış suları axıdan boru və navalçaların dəyişdirilməsi, giriş bloklarının qapı və pəncərələrinin yeniləri ilə əvəz olunması eyni zamanda  həyətdə  torpaq işləri və yeni tamet-bardur  daşlarının vurulması işləri aparılır.

Sakinlərin asudə vaxtlarının səmərəli təşkili üçün söhbətgah, oturacaqlar və müxtəlif növ uşaq-oyun elementlərinin, idman qurğularının quraşdırılması işlərinə başlanılıb.

Binaları əhatə edən  sahədə  yeni su və işıqlandırma sistemlərinin  çəkilməsi, avtomobillərin saxlanılması üçün xüsusi yerlərin ayrılması, yeni  asfalt örtüyünün və qazon örtüyünün vurulması  işləri də  nəzərdə tutulubdur.

İşlərin keyfiyyətlə həyata keçirilməsi daim nəzarətdə saxlanılmaqla,  hazırda rayonun  digər ünvanlarında  da abadlıq, quruculuq, yenidənqurma işləri davam etdirilir.