Cavadxan küçəsi 36 və H.B.Əliyev küçəsi 6 saylı ünvanda abadlıq-quruculuq işləri davam etdirilir.

Bakı şəhərində  aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.

Nəsimi rayonunda keçirilən səyyar qəbullar zamanı sakinlərin çox saylı müraciətləri nəzərə alınaraq, Cavadxan küçəsi 36 və H.B.Əliyev küçəsi 6 saylı binaların əhatəsində yerləşən həyətdə abadlıq quruculuq işləri davam etdirilir.

Hazırlanmış  layihəyə uyğun həyətdə hasara alınmış sahələr sökülərək sakinlərin ümumi istifadəsinə verilib, təhlükəli vəziyyətdə olan köküstə qurumuş ağaclar budanaraq ərazidən çıxarılıb.

Qeyd edək ki, hər iki binanın dam örtüyü, yağış suları axıdan boru və navalçaları dəyişdirilib, giriş pilləkənləri aqlay daşla üzlənib, qapı və pəncərələr yeniləri ilə əvəz olunub.

Hal-hazırda istinad divarları hörülür, aqlay daşla üzlənilir, həyətdə torpaq işləri görülür.

Eyni zamanda həyətdə tamet bardur daşlarının, yeni asfalt örtüyünün vurulması, yaşıllaşdırma, suvarma, işıqlandırma sistemlərinin  çəkilməsi və təhlükəsizlik kamerlarının quraşdırılması, sakinlərin asudə vaxtlarının səmərəli təşkili üçün söhbətgah,  oturacaqlar, müxtəlif növ uşaq- oyun elementlərinin və idman qurğularının quraşdırılması işləri da nəzərdə tutulubdur.

İşlərin keyfiyyətlə həyata keçirilməsi daim nəzarətdə saxlanılmaqla,  hazırda rayonun  digər ünvanlarında  da abadlıq, quruculuq, yenidənqurma işləri davam etdirilir.