Cəlil Məmmədquluzadə 99 saylı binanın fasadında təmir-bərpa işlərinə başlanılıb.
Bakı şəhərində aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.
Nəsimi rayonunda keçirilən səyyar qəbullar zamanı sakinlərin çox saylı müraciətləri nəzərə alınaraq, Cəlil Məmmədquluzadə 99 saylı binada təmir-bərpa işlərinə başlanılıb.
Hazırlanmış layihəyə uyğun olaraq yaşayış binasının fasadında, eyvanlarında və dam örtüyündə əsaslı təmir işlərinə başlanılıb.
Eyni zamanda binanın yağış suları axıdan boru və navalçaların dəyişdirilməsi, giriş pilləkənlərinin təmir-bərpa olunması, qapı və pəncərələrin yeniləri ilə əvəz olunması işləri nəzərdə tutulubdur.
İşlərin keyfiyyətlə həyata keçirilməsi daim nəzarətdə saxlanılmaqla, hazırda rayonun digər ünvanlarında da abadlıq, quruculuq, yenidənqurma işləri davam etdirilir.
