Hava şəraitinin dəyişməsi nəticəsində rayon ərazisində yaranmış fəsadlar aradan qaldırılıb.
Hava şəraitinin kəskin dəyişməsi ilə əlaqədar yağış və küləkdən sonra Nəsimi rayon ərazisində əsas küçə və prospektlərdə yaranan problemlərin aradan qaldırılması məqsədilə tədbirlər görülüb.
Belə ki, hava şəraitinin kəskin dəyişməsi nəticəsində qabaqlayıcı tədbirlərin görülməsi istiqamətində rayonun bütün xidmət sahələri gücləndirilmiş iş rejiminə keçmiş, eyni zamanda yaranmış fəsadların aradan qaldırılması və qabaqlayıcı tədbirlərin görülməsi istiqamətində xidmət sahələrinin maşın və mexanizmləri də cəlb olunmuşdur.
Hava şəraitinin dəyişməsi və külək nəticəsində Nəsimi rayon ərazisində müxtəlif ünvanlarda qırılan ağaclar doğranılmış, təmizlənərək ərazidən daşınmışdır. Qeyd edək ki, payız-qız mövsümünə hazırlıqla bağlı qabaqlayıcı tədbirlərin görülməsi istiqamətində Nəsimi rayon ərazisində əsas küçə və prospektlərdə mütəmadi olaraq yağış kürəbənd barmaqlıqlarının təmizlənməsi işləri də aparılır.
İşlərin həyata keçirilməsi daim nəzarətdə saxlanılmaqla, operativ tədbirlərin görülməsi diqqət mərkəzindədir.
