Moskva prospekti 72 saylı ünvanda abadlıq-quruculuq işləri davam edir.
Bakı şəhərində aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.
Nəsimi rayonunda keçirilən səyyar qəbullar zamanı sakinlərin çox saylı müraciətləri nəzərə alınaraq, Moskva prospekti 72 saylı binada abadlıq quruculuq davam edir.
Hazırlanmış layihəyə uyğun olaraq Moskva prospekti 72 saylı ünvanda yerləşən yaşayış binanın fasadında və dam örtüyündə əsaslı təmir işləri aparılıb, yağış suları axıdan boru və navalçaların dəyişdirilib. Binanın giriş bloklarının qapı və pəncərələri yeniləri ilə əvəz olunub, giriş pilləkənləri aqlay daşla üzlənilib.
Hal-hazırda həyətyanı sahəsində abadlıq işlərinin başlanılıb. Qeyd edək ki, ümumi həyətdə tamet bardur daşlarının, asfalt örtüyünün vurulması, yaşıllaşdırma işlərinin görülməsi, yeni suvarma və işıqlandırma sistemlərinin çəkilməsi, sakinlərin asudə vaxtlarının səmərəli təşkili üçün həyətdə söhbətgah, oturacaqlar və müxtəlif növ uşaq- oyun elementlərinin quraşdırılması işləri də nəzərdə tutulubdur. Eyni zamanda yeni işıq və su xətlərinin çəkilməsi də nəzərdə tutulubdur.
İşlərin keyfiyyətlə həyata keçirilməsi daim nəzarətdə saxlanılmaqla, hazırda rayonun digər ünvanlarında da abadlıq, quruculuq, yenidənqurma işləri davam etdirilir.
