Moskva prospekti 90, 92 saylı ünvanda işlər yekunlaşmaq üzrədir.

Bakı şəhərində  aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.

Hazırlanmış layihəyə uyğun olaraq Moskva prospekti  90, 92 saylı binaların  fasadı əsaslı təmir olunub,  blokların qapı və pəncərələri yeniləniləri ilə əvəz olunub, istinad divarları bərpa olunaraq aqılay daşla üzlənilib, yağış suları axıdan boru və navalçalar dəyişdirilib, həyətlərdə təhlükəli vəziyyətdə olan ağaclar aqrotexniki qaydada budanılıbdır. Binaları həyətində torpaq işləri görülüb, bardürlər, tamet daşları düzülüb və qazon örtüyü vurulub, güllər əkilib, sakinlərin asudə vaxtlarının səmərəli təşkili üçün söhbətgahlar, oturacaqlar, müxtəlif növ uşaq oyun elementləri – idman fitnes alətləri  quraşdırılıb.

Eyni zamanda Moskva prospekti 90, 92 saylı ünvanda özbaşına hasara alınmış çəpərlər sökülərək ərazilər  əhalinin ümumi istifadəsinə verilib, avtomobillərin parklanması üçün xüsusi yerlər ayrılıb və əlil arabalarının hərəkəti üçün panduslar düzəldilib. Binaları həyətində bütün işıqlandırma işləri yenilənib, kiçik tullantılar üçün zibil qabları qoyulub, yaşıllıqların suvarılması üçün su xətləri və atmasfer sularının kənarlaşdırılması üçün drenaj xətləri çəkilib.

Hal-hazırda ünvanda son tamamlanma işləri aparılıraq, asfalt işləri görülür. 

İşlərin keyfiyyətlə həyata keçirilməsi daim nəzarətdə saxlanılmaqla, rayonun ayrı-ayrı ünvanlarında başlanılmış abadlıq, quruculuq və yenidənqurma işləri davam etdirilir.