Nəsimi rayon ictimaiyyəti Azərbaycan Dövlət Neft və Sənaye Universitetində yerləşən “Heydər Əliyev Muzeyi” ilə tanış olublar.

Nəsimi rayon İcra Hakimiyyətinin Başçısı Asif Əsgərov,  Azərbaycan Dövlət Neft və Sənaye Universitetinin rektor əvəzi Vazeh Əsgərov, Yeni Azərbaycan Partiyası Nəsimi rayon təşkilatının sədri Azər Süleymanov, rayon ictimaiyyəti, ziyalılar və gənclərin iştirakı ilə Azərbaycan Dövlət Neft və Sənaye Universitetində yerləşən “Heydər Əliyev Muzeyi” ilə tanış olublar.

Tədbir iştirakçılarının diqqətinə çatdırıldı ki, muzeydə universitetin yaradılması, inkişaf dövrləri tam əhatə edilmişdir. Burada Azərbaycan neftinin tarixi, ölkəmizdə neft sənayesinin inkişafı ilə bağlı hələ XIX əsrdən bu yana görülən işlər, bir çox alimlərin Azərbaycanın neft sənayesi ilə bağlı apardığı tədqiqatları əks etdirən kitablar və sənədlər nümayiş etdirilir. Universitetin həyatını, burada təhsilin ilkin dövrlərini əks etdirən fotolar və sənədlər də muzeyə gələnlərdə maraq doğurur. Muzeyin ən qiymətli eksponatları sırasında xalqımızın ümummilli lideri Heydər Əliyevin 1939-1941-ci illərdə bu ali təhsil ocağında oxuduğunu əks etdirən sənədlər diqqəti daha çox çəkir. Ümummilli lider hər zaman bu ali təhsil ocağının inkişafını diqqətdə saxlamışdır. Ulu öndər akademiyanın 60 və 80 illik yubileylərində iştirak etməklə bu ali təhsil ocağına layiq olduğu qiyməti vermişdir. Universitetin 90 illik yubileyində cənab prezident İlham Əliyevin də muzeylə tanışlığı xüsusi vurğulandı.

Muzeydə müasir Azərbaycanın neft sənayesində görülən işlər, ulu öndər Heydər Əliyevin müəllifi olduğu yeni neft strategiyasının uğurlarını əks etdirən fotolar da maraq doğurur.

Sonra tədbir iştirakçıları Universitetin foyesində Üummilli lider Heydər Əliyevin büstü önünə əkili qoydular.