Nəsimi rayonu 4-cü mikrorayonda yerləşən İzmit parkında cari təmir işləri aparılır.
Bakı şəhərində aparılan genişmiqyaslı abadlıq – quruculuq işləri çərçivəsində Nəsimi rayonunda binaların, yolların, səkilərin, həyətlərin, parkların, sakinlərin ümumi istifadəsində olan yerlərin yenidənqurulması, əsaslı təmiri işləri davam etdirilir.
Nəsimi rayon İcra Hakimiyyətinin başçısının keçirdiyi səyyar qəbullar zamanı sakinlər tərəfindən qaldırılan məsələlərin həlli istiqamətində işlər davam etdirilir. Belə ki, əhalinin asudə vaxtlarının səmərəli keçirilməsi və istirahəti üçün mövcud parklarda, abad həyətlərdə əsaslı və cari təmir işləri aparılır.
Qeyd edək ki, aparılan cari təmir işləri zamanı Nəsmi rayonu 4-cü mikrorayonda yerləşən İzmit parkında işıqlandırma sistemində təmir işləri aparılıb, yarasız vəziyyətdə olan tamet daşları təmir edilib. Eyni zamanda park ərazisində pilləkənlərlər aqlay daşlarla üzlənilib, oturacaqlar və uşaq meydançasının döşəməsi təmir edilibdir. Hal-hazırda işlər davam etdirilir.
Qeyd edək ki, işlərin keyfiyyətlə həyata keçirilməsi daim nəzarətdə saxlanılmaqla, rayonun ayrı-ayrı ünvanlarında abadlıq, quruculuq və təmir işləri davam etdirilir.
