Nəsimi rayonu Asif Məhərrəmov 33 saylı binada yenidənqurma və abadlıq işlərinə başlanılıb.

Bakı şəhərində  aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.

Hazırlanmış layihəyə uyğun olaraq Asif  Məhərrəmov 33 saylı binanın  həyətində istinad divarlarının bərpası,  çəpərə alınmış sahələrin açılması, kök üstə qurumuş və təhlükəli vəziyyətdə olan ağacların budanılıb ərazidən çıxarılması işləri nəzərdə tutulub.

Asif  Məhərrəmov  33  saylı ümumi yaşayış binasının  fasadının bərpası  işlərinə başlanılıb.  Eyni zamanda binanın qapı və pəncərələrin yeniləri ilə əvəz olunması, yağış suları axıdan boru və navalçaların dəyişdirilməsi, dam örtüyünün əsaslı təmiri, həyətə bardur və tamet daşlarının vurulması   işləri də nəzərdə tutulub.

 Qeyd edək ki, sakinlərin asudə vaxtlarının səmərəli təşkili üçün söhbətgah,  oturacaqlar və müxtəlif növ uşaq- oyun elementlərinin  quraşdırılması işləri də nəzərdə tutulub.

İşlərin keyfiyyətlə həyata keçirilməsi daim nəzarətdə saxlanılmaqla,  hazırda rayonun  digər ünvanlarında  da abadlıq, quruculuq, yenidənqurma işləri davam etdirilir.