Nəsimi rayonu Asif Məhərrəmov küçəsi 60 saylı ünvanda son tamamlama işləri aparılır.

Bakı şəhərində  aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.

Hazırlanmış layihəyə uyğun olaraq Asif  Məhərrəmov 60 saylı binanın  həyətində kök üstə qurumuş və təhlükəli vəziyyətdə olan ağaclar budanılıb ərazidən çıxarılıb.

Asif  Məhərrəmov küçəsi  60  saylı ümumi yaşayış binanın dam örtüyü əsaslı təmir olunub, yağış suları axıdan boru və navalçalar dəyişdirilib, binanın  fasadında əsaslı təmir- bərpa  işləri aparılıb, giriş blokları təmir olunaraq aqlay daşlarla üzlənib, qapı və pəncərələr yeniləri ilə əvəz olunub.

Həyətə tamet daşları vurulub, istinad divarları,  bardürlər, səkilər bərpa olunub. Sakinlərin təhlükəsizliyinin təmin olunması məqsədilə istinad divarlarının üzərində məhəccərlər quraşdırılmışdır.

 Eyni zamanda sakinlərin asudə vaxtlarının səmərəli təşkili üçün söhbətgah, oturacaqlar və müxtəlif növ uşaq-oyun elementləri,  idman alətləri quraşdırılıb, məişət tullantıları üçün qablar qoyulmuşdur. Hal-hazırda işıqlandırma sisteminin yenilənməsi və asfalt örtüyünün vurulması işləri aparılır.  

İşlərin keyfiyyətlə həyata keçirilməsi daim nəzarətdə saxlanılmaqla,  hazırda rayonun  digər ünvanlarında  da abadlıq, quruculuq, yenidənqurma işləri davam etdirilir.