Nəsimi rayonu ərazisində 2023-2024-cü illəri əhatə edən payız-qış mövsümünə hazırlıq işlərinin təşkili və təmin edilməsinə həsr edilmiş iclas keçirildi.
Nəsimi rayon İcra Hakimiyyətində 2023-2024-cü illərin payız-qış mövsümünə hazırlıqla bağlı təsərrüfat xidmətlərinin, ayrı-ayrı idarə, müəssisə və təşkilatların qarşısında duran vəzifələrə həsr olunmuş iclas keçirilmişdir. İclasda Bakı Şəhər İcra Hakimiyyətinin nümayəndələri, Ərazi idarəetmə və yerli özünüidarətmə orqanları ilə iş şöbəsinin müdiri Anar Tağıyev, Təsərrüfatı şöbəsinin müdiri Ayaz Hüseynov, Tikinti məsələləri şöbəsinin müdiri Rəşid Ağayev, Bakı Şəhər Mənzil - Komunal Təsərrüfatı Departamentinin sədri Rəfail Mehralıyev iştirak etmişlər.
Nəsimi rayon İcra Hakimiyyətinin başçısı Asif Əsgərov qış mövsümünə hazırlıqla bağlı görülmüş işlər haqqında geniş məlumat verərək, Azərbaycan Respublikasının Prezidenti cənab İlham Əliyevin rəhbərliyi altında ölkəmizin hər yerində olduğu kimi, Nəsimi rayonunda əhalinin rifahının daha da yüksəldilməsi üçün həyata keçirilən layihələr, infrastrukturların salınması, kommunal xidmət sahələrinin maddi-texniki bazasının möhkəmləndirilməsi istiqamətində görülən işləri qeyd etmişdir. Eyni zamanda, qış mövsümünə hazırlıqla əlaqədar Bakı şəhər İcra Hakimiyyəti başçısı tərəfindən verilən tapşırıqlar yığıncaq iştirakçılarının nəzərinə çatdırılaraq zəruri tədbirlərin həyata keçirilməsinin vacibliyini vurğulandı.
Payız-qış mövsümü ilə əlaqədar rayon İcra Hakimiyyətində təsdiq olunmuş Tədbirlər Planına uyğun olaraq fəaliyyət göstərən Qərargah tərəfindən əsas, köməkçi məhəllədaxili yolların, səkilərin qardan vaxtında təmizlənməsi üçün cavabdeh təşkilatların müəyyənləşdirildiyi, rayon MKTB-nin tabeliyində olan xüsusi texnikaların saz vəziyyətə gətirildiyi, inventar, qum və duz tədarükü edildiyi qeyd olunaraq, qış aylarında havaların kəskin soyuq, qarlı-şaxtalı günlərində Qərargah üzvlərinin, rayonun ayrı-ayrı təsərrüfat xidmətlərinin xüsusi rejimində çalışacağı, yaranan çatışmamazlıqların aradan qaldırılması məqsədilə operativ tədbirlərin görüləcəyi vurğulanmışdır. Rayonda fəaliyyət göstərən müsəssisə və təşkilatların, o cümlədən mənzil-tikinti kooperativlərinin payız-qış mövsümü ilə əlaqədar öz ərazilərinə dair hazırlıq işlərinin bir daha nəzərdən keçirilməsi, zəruri inventar və avadanlıqların tədarük edilməsi, cavabdeh şəxslərin təlimatlandırılması, bu istiqamətdə fəaliyyətlərinin rayon Qərargahı ilə əlaqələndirilməsi tövsiyə edilmişdir.
İclasda çıxış edən Bakı Şəhər İcra Hakimiyyətinin nümayəndələri, Ərazi idarəetmə və yerli özünüidarətmə orqanları ilə iş şöbəsinin müdiri Anar Tağıyev, Təsərrüfatı şöbəsinin müdiri Ayaz Hüseynov, Tikinti məsələləri şöbəsinin müdiri Rəşid Ağayev, Bakı Şəhər Mənzil - Komunal Təsərrüfatı Departamentinin sədri Rəfail Mehralıyev 2023-2024-cü illəri əhatə edən payız-qış mövsümünə hazırlıq işlərinin təşkili və təmin edilməsi barədə Bakı şəhər İcra Hakimiyyətində keçirilmiş müşavirədə verilmiş tapşırıqların yerinə yetirilməsi ilə əlaqədar rayonlarda müşavirələrin keçirildiyi qeyd etmişlər, eyni zamanda bu sahədə zəruri tədbirlərin görüldüyü qeyd olunmuşdur.
İclasda Nəsimi 25 MMC-nin “Şimşək MTK”, MTK-27, “Körpə MTK”, 12 nömrəli uşaq poliklinikasının nümayəndələri çıxış edərək, ağacların budanması və quru ağacların götürülməsi, açıq qalan kanalizasiya qapaqların bərpa edilməsi, bina və həyətlərin abadlaşdırılması ilə bağlı məsələləri qeyd etmiş, həmçinin payız-qış mövsümünə dair suallar cavablandırılmış, müzakirələr zamanı məsələlərin həlli ilə bağlı aidiyyəti qurumların rəhbərlərinə müvafiq tapşırıqlar verilmişdir.
