Nəsimi rayonu Xətai prospekti 30 saylı ünvanda yerləşən bağda abadlıq işləri aparılıb.
Bakı şəhərində aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.
Nəsimi rayonu, Xətai prospekti 30 saylı ünvanda I Qarabağ müharibəsi Şəhidi, Milli Qəhrəman Mehdiyev Fazil Umud oğlunun büstünün yerləşdiyi bağda abadlıq işləri aparılıb. Qeyd edək ki, ərazidə istinad divarları bərpa olunaraq, yararsız vəziyyətə düşmüş aqlay daşları yeniləri ilə əvəz olunmuşdur. Mövcud yaşıllıqlara qulluq göstərilərək, ağaclarda budanma işləri aparılmışdır.
Eyni zamanda bağda sakinlərin istirahəti üçün oturacaqlar yeniləri ilə əvəz olunmuş, parkın ətrafındakı dəmir məhəccərlər rənglənərək ətrafda səliqə səhman işləri aparılmışdır.
İşlərin keyfiyyətlə həyata keçirilməsi daim nəzarətdə saxlanılmaqla, hazırda rayonun digər ünvanlarında da abadlıq, quruculuq, yenidənqurma işləri davam etdirilir.
