Nəsimi rayonunda küçə və prospektlər qardan təmizlənib.
Bu gün gecə saatlarından etibarən qarın yağması ilə əlaqədar yolların, küçələrin qar və buzla örtülməməsi üçün, nəqliyyatın və piyadaların hərəkətində çətinliklərin yaranmaması üçün Nəsimi rayonunun kommunal strukturları və aidiyyəti qurumları xüsusi gücləndirilmiş iş rejimində fəaliyyətə başlamışdırlar. Bununla əlaqədar yağan qarın küçə, prospektlərdən və piyada səkilərindən, avtobus dayanacaqlarından, metro stansiyalarının qarşısından təmizlənməsi işləri aparılmışdır.
Eyni zamanda şaxtalı hava şəraitində qarın təmizlənməsi üçün xüsusi təyinatlı texnika vasitələri ilə yollara duz və kimyəvi maddələrin səpilməsi işləri də həyata keçirilmişdir.
Təmizləmə işləri rayon ərazisində məhəllədaxili yollarda, idarə, müəssisə və ticarət obyektlərinin qarşısında da aparılmışdır. Bu istiqamətdə işlər davam etməkdədir.
