Nəsimi rayonunda növbəti iməcilik keçirilib.

Bakı şəhərində bir sıra beynəlxalq səviyyəli tədbirlərin,  eyni zamanda bu günlərdə paytaxtımızda  “Formula 1” yarışının keçirilməsi ilə əlaqədar  çox sayda xarici ölkələrdən mötəbər qonaqların gəlməsi,  insanların  kütləvi şəkildə istirahət edəcəyi parklarda, küçə və prospektlərdə  təmizlik və abadlıq işlərinin görülməsi ilə bağlı növbəti iməclik keçirildi.

Eyni zamanda iməciliyin məqsədi rayon ərazisində ətraf mühitin mühafizəsinə töhfə vermək, yaşıllıq zolaqlarını daha da genişləndirmək, rayonun ekoloji tarazlığını bərpa etmək, insanlar arasında ekoloji mədəniyyəti və təbiətə qayğı hissini təbliğ etməkdir.

Ekoloji mühitin sağlamlaşdırılması və paytaxtımızın daha da gözəlləşməsinə yönəlmiş işlər çərçivəsində parklarda, abad həyətlərdə, xiyabanlarda mövsümi budanma və təmizlik işləri də aparılmışdır. iməcilik zamanı royonun kommunal xidmətləri tərəfindən prospekt və küçələrin səki kənarları, bardürlər, işıq dirəkləri, reklam lövhələri,  yol kənarındakı məhəccərlər, məişət tullantıları konteynerləri yuyularaq təmizlənmişdir.

Qulluq zamanda parklarda, abad həyətlərdə, xiyabanlarda alaq otları təmizlənmiş, budanma işləri aparılmış, qazon örtüyü biçilmişdir.

İşlərin keyfiyyətlə həyata keçirilməsi daim nəzarətdə saxlanılmaqla,  hazırda rayonun ayrı-ayrı ünvanlarında təmizlik, abadlıq, quruculuq və yenidənqurma işləri davam edir.