Nəsimi rayonunda növbəti iməcilik keçirilib
Nəsimi rayonunda insanların kütləvi şəkildə istirahət etdikləri parklarda, küçə və prospektlərdə təmizlik və abadlıq işlərinin görülməsi ilə bağlı həyata keçirilən tədbirlər davam etdirilir.
Rayon ərazisində ətraf mühitin mühafizəsinə töhfə vermək, yaşıllıq zolaqlarının daha da genişləndirilməsi, qulluq göstərilməsi, rayonun ekoloji tarazlığının bərpa edilməsi, insanlar arasında ekoloji mədəniyyətin və təbiətə qayğı hissinin təbliğ olunması üçün mütəmadi işlər aparılır.
Bu məqsədlə rayonda keçirilən növbəti iməclikdə rayonun idarə, müəssisə və təşkilatlarının əməkdaşları iştirak edib.
İməcilik zamanı prospekt və küçələrdə səki kənarları, bardürlər, işıq dirəkləri, yol kənarındakı məhəccərlər, vitrinlər, məişət tullantıları konteynerlərinin ətrafı yuyularaq təmizlənmişdir.
