Nəsimi rayonunda növbəti ünvanda abadlıq quruculuq işlərinə başlanılıb.

Bakı şəhərində  aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.

Hazırlanmış layihəyə uyğun olaraq Asif  Məhərrəmov 31 saylı binanın  həyətində kök üstə qurumuş və təhlükəli vəziyyətdə olan ağacların budanılıb ərazidən çıxarılması, torpaq işlərinin görülməsi, istinad divarlarının  bərpası işlərinə  başlanılıbdır.

Eyni zamanda Asif  Məhərrəmov  31  saylı ümumi yaşayış binasında   yağış suları axıdan boru və navalçaların dəyişdirilməsi, dam örtüyünün əsaslı təmiri, binanın fasadının bərpası  olunması,  giriş bloklarının təmiri,   qapı və pəncərələr yeniləri ilə əvəz olunması işləri də  aparılacaqdır.

Qeyd edək ki,  həyətin abadlaşdırılması üçün    bardur, tamet daşlarının və asfalt örtüyünün vurulması,  avtomobillərin saxlanılması üçün xüsusi yerlərin ayrılması, eyni zamanda  sakinlərin asudə vaxtlarının səmərəli təşkili üçün söhbətgah,  oturacaqlar, müxtəlif növ uşaq- oyun elementlərinin  quraşdırılması işləri də nəzərdə tutulmuşdur.

İşlərin keyfiyyətlə həyata keçirilməsi daim nəzarətdə saxlanılmaqla,  hazırda rayonun  digər ünvanlarında  da abadlıq, quruculuq, yenidənqurma işləri davam etdirilir.