Nəsimi rayonunda parklarda və məhəllələrdə abadlıq, quruculuq və təmir işləri davam etdirilir
Bakı şəhərində aparılan abadlıq-quruculuq işləri çərçivəsində Nəsimi rayonu ərazisində də məhəllə və binaların, küçə və parkların abadlaşdırılması, yaşıllıqların salınması, yolların və səkilərin əsaslı təmir edilməsi istiqamətində işlər uğurla davam etdirilir.
Görülmüş işlər çərçivəsində yaz-yay mövsümünün gəlməsi ilə əlaqədar sakinlərin asudə vaxtlarını səmərəli keçirmələri üçün rayon ərazisindəki mövcud parklarda, məhəllə və həyətlərdə başlanılmış cari təmir işləri davam etdirilir.
Abadlıq işləri zamanı park və məhəllələrdə oturacaqlar, işıq dirəkləri, idman qurğuları və uşaq oyun elementləri təmir edilir, sanitar-təmizlik işləri aparılaraq mövcud yaşıllıqlar bərpa olunur.
Qeyd edək ki, işlərin keyfiyyətlə həyata keçirilməsi daim nəzarətdə saxlanılmaqla, rayonun ayrı-ayrı ünvanlarında abadlıq, quruculuq və təmir işləri davam etdirilir.
