Nəsimi RİH başçısı səyyar qəbul keçirdi
Nəsimi rayon İcra Hakimiyyətinin başçısı Asif Əsgərov 2 nömrəli Sahə inzibati ərazi dairəsi üzrə sakinlərin müraciətlərini dinləmişdir.
Rayonun Vaqif prospekti, Səməd Vurğun, Süleyman Rüstəm, Mirqasımov, Abbas Səhhət, Feyzulla Qasımzadə, Rəşid Behbudov, Azər Əliyev küçələri əhatəsində yaşayan sakinlər rayon İcra Hakimiyyəti tərəfindən təşkil olunmuş səyyar qəbulda iştirak etmişlər.
Sakinlərdən Əliyeva Sevinc, Osmanov Mehdi, Nəsibova Elmira, Qəhrəmanova Rəşxəndə, Rzayev Tahir, Ruhani Müşkünaz, Hacıyeva Mədinə, İsgəndərova Vüsalə, Vəliyev Rüfət və digərləri bir sıra məsələlərlə bağlı, o cümlədən dam örtüyünün təmiri, ağacların budanması, həyətin abadlaşdırılması, binanın fasadının təmiri, həyətdəki yaşıllıqlara qulluq göstərilməsi, tikinti ərazisində sanitar normalara əməl olunması, kanalizasiya və su xəttinin təmiri, maddi yardım göstərilməsi, suyun fasilələrlə verilməsi barədə müraciətlər etmiş, təkliflər irəli sürmüşlər.
Qəbulda Möhtərəm Prezidentimiz, Ali Baş Komandan cənab İlham Əliyev və Azərbaycan Respublikasının Birinci vitse-prezidenti Mehriban xanım Əliyeva tərəfindən ölkəmizin daha da qüdrətlənməsi, ərazilərimizin bütövlüyünün təmin olunması, işğaldan azad olunmuş torpaqlarımızda irimiqyaslı bərpa-quruculuq istiqamətində həyata keçirilən çoxşaxəli işlər qeyd edilmişdir. Rayon ərazisində görülən işlər, 2024-cü il -“Yaşıl dünya naminə həmrəylik ili” ilə əlaqədar həyata keçirilən tədbirlər barədə ətraflı məlumatlar verilmişdir.
Sakinlərə vətəndaş məmnunluğunu artırmaq və xidmət keyfiyyətinin yaxşılaşdırılmasının təmin olunması məqsədilə rayon İcra Hakimiyyəti ilə həm onlayn, həm də yerində görüşlər üçün “Rəqəmsal İcra Hakimiyyəti” https://rih.gov.az portalına daxil olmaqla müraciət etmək, həmçinin təklif və rəylərin verilməsi imkanının olduğu barədə məlumat verildi.
Müraciətlərlə bağlı qəbulda iştirak edən rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilmişdir.
