Nəsimidə növbəti iməcilik keçirildi.

Bakı şəhərində müxtəlif  tədbirlərin keçirilməsi ilə əlaqədar  çox sayda xarici ölkələrdən mötəbər qonaqların gəlməsi ilə əlaqədar,  insanların  kütləvi şəkildə istirahət edəcəyi parklarda, küçə və prospektlərdə  təmizlik və abadlıq işlərinin görülməsi ilə bağlı növbəti iməclik keçirildi.

Eyni zamanda iməciliyin məqsədi rayon ərazisində ətraf mühitin mühafizəsinə töhfə vermək, yaşıllıq zolaqlarını daha da genişləndirmək, rayonun ekoloji tarazlığını bərpa etmək, insanlar arasında ekoloji mədəniyyəti və təbiətə qayğı hissini təbliğ etməkdir.

Ekoloji mühitin sağlamlaşdırılması və paytaxtımızın daha da gözəlləşməsinə yönəlmiş işlər çərçivəsində parklarda, abad həyətlərdə, xiyabanlarda iməclik işləri aparılmış, sanitar təmizlik tədbirləri görülmüşdür.

İməcilikdə rayonun kommunal xidmətləri tərəfindən prospekt və küçələrin səki kənarları, bardürlər, işıq dirəkləri, reklam lövhələri, yol kənarındakı məhəccərlər, avtobus dayanacaqlarının ətrafı, kiçik tutumlu tullantı qabları,   məişət tullantıları konteynerləri və ətrafı yuyularaq  təmizlənmişdir, digər sanitar təmizlik tədbirləri də aparılmışdır.

Qulluq zamanı küləyin yaratdığı fəsadların aradan qaldırılmışdır. Belə ki, parklarda, abad həyətlərdə, xiyabanlarda ağaclar budanaraq ərazidən çıxarılmış, alaq otları təmizlənmiş, yaşıllıq zolaqlarına qulluq göstərilmişdir. Eyni zamanda yağış kürəbənd xətləri tullantılardan təmizlənilmişdir.

İşlərin keyfiyyətlə həyata keçirilməsi daim nəzarətdə saxlanılmaqla, hazırda rayonun ayrı-ayrı ünvanlarında təmizlik, abadlıq, quruculuq və yenidənqurma işləri davam edir.