Parklarda heykəllər və abidələr yuyulmuş ətrafında təmizlik işləri aparılmışdır.
Bakı şəhərində bir sıra beynəlxalq səviyyəli tədbirlər keçirilməsi ilə paytaxtımıza çox sayda xarici ölkələrdən mötəbər qonaqların gəlməsi, eyni zamanda paytaxt sakinlərinin kütləvi şəkildə istirahət edəcəyi parklarda təmizlik və abadlıq işlərinin görülməsi ilə bağlı daimi iməcliklər keçirilir.
Ekoloji mühitin sağlamlaşdırılması və paytaxtımızın daha da gözəlləşməsinə yönəlmiş işlər çərçivəsində parklarda, abad həyətlərdə, xiyabanlarda da iməclik işləri aparılmışdır.
Tariximizin təcəssümü olan abidələr turizm baxımından ən böyük əhəmiyyət daşıyır və onların qorunması daim diqqət mərkəzindədir.
Belə ki, rayon ərazisində keçirilən iməcilik zamanı parklarda və bağlarda yerləşən heykəllər yuyularaq təmizlənmiş, abidələrin ətrafinda abadlıq və təmizlik işləri aparılmışdır. Eyni zamanda bina fasadlarında heykəl - barelyeflər yuyularaq təmizlənmişdir.
İşlərin keyfiyyətlə həyata keçirilməsi daim nəzarətdə saxlanılmaqla, hazırda rayonun ayrı-ayrı ünvanlarında təmizlik, abadlıq, quruculuq və yenidənqurma işləri davam edir.
