Parklarda və abad həyətləardə cari təmir işləri aparılıb.
Bakı şəhərində aparılan abadlıq-quruculuq işləri çərçivəsində Nəsimi rayonu ərazisində də məhəllə və binaların, küçə və parkların abadlaşdırılması, yaşıllıqların salınması, yolların və səkilərin əsaslı təmir edilməsi istiqamətində işlər uğurla davam etdirilir.
Görülmüş işlər çərçivəsində sakinlərin asudə vaxtlarını səmərəli keçirmələri üçün rayon ərazisindəki mövcud parklarda, abad həyətlərdə və digər istirahət yerlərində cari təmir işləri aparılıb.
Belə ki, cari təmir işləri zamanı parklarda yaşıllıqlar bərpa olunub, oturacaqlar və söhbətgahlar təmir edilib, rənglənib, səkilərdə yararsız vəziyyətə düşmüş tamet daşları yeniləri ilə əvəz olunub, bardürlər rənglənib, eyni zamanda ətrafda sanitar-təmizlik işləri aparılıb.
Qeyd edək ki, işlərin keyfiyyətlə həyata keçirilməsi daim nəzarətdə saxlanılmaqla, rayonun ayrı-ayrı ünvanlarında abadlıq, quruculuq və təmir işləri davam etdirilir.
