Rayon ərazisində iməcilik və dezinfeksiya işləri aparılıb.

Bakı şəhərində müxtəlif  tədbirlərin keçirilməsi ilə əlaqədar  çox sayda xarici ölkələrdən mötəbər qonaqların gəlməsi ilə əlaqədar,  insanların  kütləvi şəkildə istirahət edəcəyi parklarda, küçə və prospektlərdə  təmizlik və abadlıq işlərinin görülməsi ilə bağlı növbəti iməclik keçirildi. Eyni zamanda iməciliyin məqsədi rayon ərazisində ətraf mühitin mühafizəsinə töhfə vermək, yaşıllıq zolaqlarını daha da genişləndirmək, rayonun ekoloji tarazlığını bərpa etmək, insanlar arasında ekoloji mədəniyyəti və təbiətə qayğı hissini təbliğ etməkdir.

Ekoloji mühitin sağlamlaşdırılması və paytaxtımızın daha da gözəlləşməsinə yönəlmiş işlər çərçivəsində parklarda, abad həyətlərdə, xiyabanlarda, binaların ətraflarında iməclik işləri aparılmışdır.

İməcilikdə rayonun kommunal xidmətləri tərəfindən prospekt və küçələrin səki kənarları, bardürlər, işıq dirəkləri, reklam lövhələri, yol kənarındakı məhəccərlər, məişət tullantıları konteynerləri və ətrafı yuyularaq təmizlənmişdir. Qulluq zamanda parklarda heykəllər yuyulmuş, abad həyətlərdə, xiyabanlarda alaq otları təmizlənmiş, yaşıllıq zolaqlarına qulluq göstərilmişdir.

Nəsimi rayonunda aparılan müvafiq profilaktik tədbirlərin effektivliyinin yüksəldilməsi məqsədi ilə görülən tibbi-profilaktik tədbirlər çərçivəsində küçə və prospektlərdə, parklarda, yollarda, ticarət obyektlərində dezinfeksiya işləri aparılıb.

Eyni zamanda inzibati və yaşayış binaların ətrafları, binaların giriş bloklarında, məişət tullantılarının atıldığı konteyner meydançalarında və digər yerlərdə təchiz olunmuş işçi qrupları tərəfindən tibbi-profilaktik - dezinfeksiya işləri də aparılmışdır.

Tələb və tövsiyyələrə uyğun olaraq rayon ərazisində  sanitar epidemioloji normalara davamlı əməl olunması  istiqamətində mütəmadi olaraq zəruri tədbirlər  görülür.

İşlərin keyfiyyətlə həyata keçirilməsi daim nəzarətdə saxlanılmaqla,  hazırda rayonun ayrı-ayrı ünvanlarında təmizlik, abadlıq, quruculuq və yenidənqurma işləri davam edir.