Rayon ərazisində ticarət obyektlərinin vitrinlərində sanitar təmizlik işləri aparılıb
Bakı şəhərində yaşıllıqların salınması və onların genişləndirilməsinə olan diqqət və qayğı, yeni ağacların əkilməsi, onlara qulluq göstərilməsi, yeni-yeni yaşıllıq zonaları yaradılması, istirahət parkları salınması eyni zamanda abadlıq quruculuq işlərinin aparılması mütəmadi olaraq sanitar təmizlik işlərinin və iməcliklərin aparılması Nəsimi rayonunda davam etməkdədir.
Ənənəvi olaraq bu gün də Nəsimi rayonunda da ümumrayon iməciliyi keçirilib. İlk öncə bütün ictimai yerlərdə, o cümlədən küçə və prospektlərdə, dayanacaqlarda, binaların bloklarında, giriş qəfəslərində və liftlərdə sanitar təmizlik işləri aparılmışdır.
Eyni zamanda ticarət obyektlərinin vitrinləri, şüşəli binaların fasadları, abad həyətlərdə və parklarda uşaq oyun elementləri yuyulub, ümumi sanitar-təmizlik işləri aparılıb.
Rayonda ənənə halını almış iməciliklərdə sakinlər, idarə və təşkilatların nümayəndələri yüksək fəallıq nümayiş etdirirlər.
