Rayon ərazisində yaşıllaşdırma və sanitar təmizlik işləri aparılır.
Nəsimi rayonunda yaşıllaşdırma, ağac əkməklə ekoloji balansın bərpasına, təbii mühitin qorunmasına kömək etmək, atmosferi oksigenlə zənginləşdirmək, insanların diqqətini yaşıllıqların qorunmasına yönəltmək istiqamətində silsilə yaşıllaşdırma işləri aparılır.
Məqsəd rayon ərazisində ətraf mühitin mühafizəsinə töhfə vermək, yaşıllıq zolaqlarını daha da genişləndirmək, şəhərin ekoloji tarazlığını bərpa etmək, insanlar arasında ekoloji mədəniyyəti, təbiətə qayğı hissini təbliğ etməkdir.
Nəsimi rayonu Ü.Hacıbəyov küçəsi boyu yaşıllıq zolaqlarında bərpa işləri aparılır. Mövcud yaşıllıq zolaqlarında mövsümi güllər və həmişəyaşıl kollar əkilib. Eyni zamanda yararsız vəziyyətə düşmüş qazon örtüyü yenisi ilə əvəz olunur, köküstə qurumuş ağaclar budanaraq, aqrotexniki qulluq göstərilir. Ümumi sanitar təmizlik işləri görülür.
Digər yaşıllıqların bərpası istiqamətində tədbirlər davam etdirilir, rayonda yeni yaşıllıq zolaqlarının salınması, ekoloji mühitin sağlamlaşdırılması və paytaxtımızın daha da gözəlləşməsinə yönəlmiş işlər daim nəzarətdə saxlanılır.
