Rayon ərazisində yol kənarlarında hasarların quraşdırılması işləri davam etdirilir.

Bakı şəhərində aparılan genişmiqyaslı abadlıq – quruculuq işləri çərçivəsində Nəsimi rayonunda binaların, yolların, həyətlərin, parkların, yol boyu istinad divarlarının, səkilərin, sakinlərin ümumi istifadəsində olan yerlərin yenidənqurulması, əsaslı və cari təmiri işləri davam etdirilir.

Eyni zamanda BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29 tədbirinin Azərbaycanda keçirilməsi və Bakı şəhərinə çox sayda xarici ölkələrdən mötəbər qonaqların gəlməsi ilə əlaqədar,  mərkəzi küçə və prospektlərdə  təmizlik və abadlıq işlərinin, şəhərin ümümi görünüşünə xələl gətirən binaların fasadlarında və müxtəlif ünvanlarda təmir-barpa işlərinin  daha da intensiv şəkildə aparılması davam etdirilir.

Şəhərin ümumi görünüşünə xələl gətirən rayonun müxtəlif ünvanlarında tikinti şirkətlərinin əhatə etdiyi ərazilərdə hasarlar sökülərək yeni formaya uyğun yenidən quraşdırılmışdır.

Qeyd edək ki, bu istiqamətdə rayonun müxtəlif 55 ünvanında işlər aparılıb, yol boyu hasarların kompozit taxta materialından bərpası işləri davam etdirilir.

İşlərin keyfiyyətlə həyata keçirilməsi daim nəzarətdə saxlanılmaqla, rayonun ayrı-ayrı ünvanlarında  abadlıq, quruculuq və təmir işləri davam etdirilir.