Rayonda iməcilik keçirildi
Bakı şəhərində müxtəlif tədbirlərin keçirilməsi, çox sayda xarici ölkələrdən mötəbər qonaqların gəlməsi ilə əlaqədar, insanların kütləvi şəkildə istirahət edəcəyi parklarda, küçə və prospektlərdə təmizlik və abadlıq işlərinin görülməsi ilə bağlı tədbirlər keçirilir.
BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29 tədbirinin Azərbaycanda keçirilməsinə hazırlıq və Bakı şəhərinə çox sayda xarici ölkələrdən mötəbər qonaqların gəlməsi ilə əlaqədar, mərkəzi küçə və prospektlərdə təmizlik və abadlıq işlərinin daha da intensiv şəkildə aparılması davam etdirilir.
Rayon ərazisində ətraf mühitin mühafizəsinə töhfə vermək, yaşıllıq zolaqlarının daha da genişləndirilməsi, qulluq göstərilməsi, rayonun ekoloji tarazlığını bərpa edilməsi, insanlar arasında ekoloji mədəniyyəti və təbiətə qayğı hissinin təbliğ olunması üçün mütəmadi işlər aparılır.
Belə ki, rayon ərazisində növbəti iməcilik keçirildi. Küçə və propektlərdə, binaların girişində, dezinfeksiya və sanitar təmizlik işləri aparıldı. Keçirilən iməcilikdə rayonun kommunal xidmətləri tərəfindən təmizlik işləri aparılmış, parklarda abidələr, prospekt və küçələrdə, dayanacaqlarda bardürlər, işıq dirəkləri, məhəccərlər, məişət tullantıları konteynerlərinin ətrafı yuyulmuşdur.
Eyni zamanda ənənəvi olaraq ticarət obyektlərinin vitrinləri də yuyulmuş, ümumi sanitar-təmizlik işləri aparılmışdır. İməciliklərdə sakinlər, idarə və təşkilatların nümayəndələri yüksək fəallıq nümayiş etdiriblər.
