Rayonda növbəti iməcilik keçirildi.

Bakı şəhərində müxtəlif  tədbirlərin keçirilməsi ilə əlaqədar  çox sayda xarici ölkələrdən mötəbər qonaqların gəlməsi ilə əlaqədar,  insanların  kütləvi şəkildə istirahət edəcəyi parklarda, küçə və prospektlərdə  təmizlik və abadlıq işlərinin görülməsi ilə bağlı növbəti iməclik keçirildi. Eyni zamanda iməciliyin məqsədi rayon ərazisində ətraf mühitin mühafizəsinə töhfə vermək, yaşıllıq zolaqlarını daha da genişləndirmək, rayonun ekoloji tarazlığını bərpa etmək, insanlar arasında ekoloji mədəniyyəti və təbiətə qayğı hissini təbliğ etməkdir.

Ekoloji mühitin sağlamlaşdırılması və paytaxtımızın daha da gözəlləşməsinə yönəlmiş işlər çərçivəsində  yollarda,  parklarda, abad həyətlərdə, xiyabanlarda, iməclik işləri aparılmışdır.

İməcilikdə rayonun kommunal xidmətləri tərəfindən prospekt və küçələrdə səki kənarları, bardürlər, işıq dirəkləri,  yol kənarındakı məhəccərlər, məişət tullantıları konteynerlərinin ətrafı yuyularaq təmizlənmişdir.  Eyni zamanda parklarda yararsız vəziyyətə düşmüş istinad divarlarında bərpa işləri aparılmışdır.

Qulluq zamanı abad həyətlərdə, xiyabanlarda alaq otları təmizlənmiş,  mərkəzi küçə və prospektlərdə yaşıllıq zolaqlarına qulluq göstərilərək mövsümi çiçəklər əklimişdir.

İşlərin keyfiyyətlə həyata keçirilməsi daim nəzarətdə saxlanılmaqla,  hazırda rayonun ayrı-ayrı ünvanlarında təmizlik, abadlıq, quruculuq və yenidənqurma işləri davam edir.