Rayonda yeni təhlükəsizlik kameralarının quraşdırılması işləri aparılıb.
Bakı şəhərində əhalinin təhlükəsizliyinin fasiləsiz və canlı izlənilməsi, qanunazidd hərəkətlərə, fövqəladə hallara çevik reaksiya verilməsi məqsədi ilə parklarda, xiyabanlarda, meydanlarda, küçə və prospektlərdə, nəqliyyat infrastrukturlarında və insanların sıx hərəkət etdiyi digər yerlərdə təhlükəsizlik kameralarının quraşdırılması işləri aparılır.
Bu istiqamətdə görülən işlər çərçivəsində Nəsimi rayonunun Vaqif prospekti boyu, Səməd Vurğun, Bakıxanov və Ceyhun Hacıbəyli küçələrinin əhatəsində yerləşən parklarda və yaşıllıq zolaqlarında ehtiyac olan yerlərdə yeni işıqlandırma dirəkləri qoyulmuş, cari təmir işləri aparılmışdır. Eyni zamanda mühafizə təhlükəsizlik kameraları quraşdırılmışdır.
Bu istiqamətdə digər ünvanlarda da işlər davam etməkdədir
