Rəşid Behbudov 77 və İzzət Həmidov 15 saylı ünvanların məhəllədaxili yollarında asfaltlaşma işləri aparılıb.
Paytaxtımızda aparılan genişmiqyaslı abadlıq-quruculuq işləri çərçivəsində Nəsimi rayonu ərazisində də məhəllə və binaların, küçə və parkların abadlaşdırılması, yaşıllıqların salınması, yolların və səkilərin əsaslı təmiri, asfaltlaşması istiqamətində işlər uğurla aparılır.
Nəsimi rayonunda rayon İcra Hakimiyyətinin başçısının keçirdiyi səyyar qəbullar zamanı sakinlər tərəfindən qaldırılan məsələlərin həlli istiqamətində işlər davam etməkdədir. Sakinlərin müraciətləri nəzərə alınaraq, həyətlərin, məhəllədaxili yolların asfaltlaşması ilə bağlı müvafiq tövsiyyələr verilir.
Belə ki, rayonun Rəşid Behbudov 77 və İzzət Həmidov 15 saylı ünvanlarında məhəllədaxili yollara və həyətlərə yeni asfalt örtüyü vurulub, ətrafda sanitar təmizlik və səliqə səhman işləri aparılıb.
Bu istiqamətdə işlərin keyfiyyətlə həyata keçirilməsi daim nəzarətdə saxlanılmaqla, hazırda rayonun digər ünvanlarında da abadlıq-quruculuq və yenidənqurma işləri davam etməkdədir.
