RİH rəhbərliyi Bakıxanov 42 saylı ünvana baxış keçirmişdir.
Bakı şəhərində aparılan genişmiqyaslı abadlıq-quruculuq işləri çərçivəsində Nəsimi rayonu ərazisində küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması, yaşıllıqların salınması işləri uğurla davam etdirilir.
Qeyd edək ki, “Bizim Həyət” layihəsi çərçivəsində Nəsimi rayonu Bakıxanov küçəsi 42 saylı ünvanda yerləşən binanı əhatə edən həyətyanı sahədə abadlıq-quruculuq işləri aparılmışdır.
Bu ünvanda binanın fasadı və dam örtüyü əsaslı təmir olunmuşdur. Həyətdə şahmat, mini futbol meydançası yaradılmış, uşaq oyun elementiləri, müxtəlif funksiyalı idman turnikləri, idman fitnes alətləri quraşdırılmışdır. Sakinlərin asudə vaxtlarının səmərəli təşkili üçün söhbətgahlar və oturacaqlar qoyulmuşdur.
Qeyd edək ki, RİH rəhbərliyi Bakıxanov küçəsi 42 saylı ünvanda olmuş, həyətə baxış keçirmiş, sakinlərlə görüşmüşdür. Həyətin ümumi sanitar vəziyyətinin nəzarətdə saxlanılması üçün müvafiq tövsiyyələrini vermişdir.
