Şriftin ölçüsü :

Saytın rəngi :

Vətən Müharibəsi Şəhidləri Abdullayev İbrahim Habil oğlunun, Həsənov Faiq Hüseyn oğlunun şəhadət günündə və Şirinov Polad Seyran oğlunun doğum günündə əziz xatirəsi yad edildi.

05 oktyabr 2022 | 10:34

Vətən Müharibəsi bizim şanlı tariximiz, şəhidlər və qazilər qürur mənbəyimizdir. Xalqımız və dövlətimiz qəhrəman övladlarının şücaətini daim yüksək qiymətləndirir, şəhidlərimizin ruhuna ehtiramla yanaşır, xatirəsini uca tutur.

Müstəqil Azərbaycanımızın tarixinə qızıl hərflərlə yazılmış 44 günlük Vətən Müharibəsi şəhidlərinin ailələrinə, qazilərinə Nəsimi rayonunda da daim yüksək həssaslıqla yanaşılır, diqqət və qayğı göstərilir.

Rayon İcra Hakimiyyəti başçısının, RİH başçısı aparatının məsul əməkdaşlarının və şəhidlərin ailə üzvlərinin iştirakı ilə Vətən müharibəsi Şəhidləri Abdullayev İbrahim Habil oğlunun, Həsənov Faiq Hüseyn oğlunun şəhadət günündə və Şirinov Polad Seyran oğlunun doğum günündə  əziz xatirəsi  dərin hörmət və ehtiramla yad olundu, məzarları üzərinə gül-çiçək dəstələri düzüldü.

Şəhidlərin  ailə üzvləri göstərilən diqqət və qayğıya görə minnətdarlıqlarını bildirdilər.

Keçidlər