Xocalı faciəsindən 31 ildönümünə həsr olunmuş “Xalq qəzeti” redaksiyasında Nəsimi rayon məktəblilərinin iştirakı ilə sərgi keçirilib.

Yaddaşlarda əbədi iz salmış Xocalı faciəsindən 31 il keçsə də, həmin soyqırımı xalqımızın qan sızan yarası olaraq qalır. Məşum hadisədən sonra orada lentə alınmış videokadrlar, çəkilmiş fotoşəkillər qətliamın miqyasını göstərməklə bərabər, erməni vəhşiliyi haqqında əsl həqiqətlərin dünyaya yayılmasında böyük rol oynayıb.

“Xalq qəzeti” redaksiyasında təşkil edilmiş növbəti fotosərgi faciənin xro­nikasını əks etdirməklə bərabər, gənc nəslin ermənilərin faşist xislətindən xə­bərdar olması baxımından önəmlidir. Elə anım günü ilə əlaqədar sərginin açılış mərasimində Nəsimi rayonunda­kı məktəblərin müəllim və şagirdlərinin də iştirakı həmin mərama xidmət edir­di.

Əvvəlcə Xocalı şəhidlərinin ruhu bir dəqiqəlik sükutla yad edildi. Sonra “Xalq qəzeti”nin baş redaktoru, Əmək­dar jurnalist Əflatun Amaşov çıxış edərək Xocalı qətliamı haqqında ətraflı məlumat verdi. Qeyd olundu ki, bu kimi faciələr bir daha təkrarlanmasın deyə, bütün dünya Xocalı harayına səs ver­məli və milli zəmində törədilən bənzər hadisələrə qətiyyətlə “yox deyilməli­dir. Məhz bu baxımdan Heydər Əliyev Fondunun vitse-prezidenti Leyla Əliye­vanın təşəbbüsü ilə 2008-ci ildən baş­ladılan “Xocalıya ədalət!” beynəlxalq məlumatlandırma kampaniyası çərçi­vəsində bir çox ölkələrdə davamlı təd­birlərin keçirilməsi təqdirəlayiqdir.

Qəzetin baş redaktor müavini, Nəsimi rayonu İcra Hakimiyyəti yanında İctimai Şuranın üzvü Tahir Aydınoğlu bu tədbiri məktəblilər üçün əsl tarix dərsi kimi dəyərləndirdi. Ta­nınmış jurnalistlər İttifaq Mirzəbəyli və Qəzənfər Qasımov Xocalı soyqırımının dinc əhalinin işğala məruz qalan Qara­bağın digər yaşayış məntəqələrindən qorxub qaçması məqsədilə törədildiyini əsaslandırdılar, faciə qurbanlarının xa­tirəsinin daim ehtiramla yad edildiyini bildirdilər.

Nəsimi rayonundakı 164 nömrəli məktəbin psixoloqu Gültəkin İsgən­dərova, 1 nömrəli məktəbin müəllimi Xanım Səfərova, 8 nömrəli məktəbin müəllimi Ceyran Quliyeva, 16 nömrə­li texniki-humanitar liseyin müəllimləri Naibə Kəngərli və Zariya Hüseynova, 35 nömrəli məktəbin direktor müavini Aygün Vəliyeva, şagirdlər İsmayıl Vəli­yev, Ayxan Bayramov sərginin təşkilinə və tədbirə dəvət olunduqlarına görə “Xalq qəzeti” redaksiyasının kollekti­vinə minnətdarlıq etdilər, bu kimi təd­birlərin yaddaşlarında dərin iz buraxa­cağını söylədilər. 

Sonra anım mərasiminin iştirakçılarısərginin ekspozisiyası ilə ətraflı tanış oldular.