Zorge parkında cari təmir işləri aparılıb.
Bakı şəhərində aparılan genişmiqyaslı abadlıq–quruculuq işləri çərçivəsində Nəsimi rayonunda parkların, binaların, həyətlərin, yolların, səkilərin, sakinlərin ümumi istifadəsində olan yerlərin yenidənqurulması, əsaslı təmiri işləri davam etdirilir.
Rayon ərazisində əhalinin asudə vaxtlarının səmərəli keçirilməsi və istirahəti üçün Zorge abidəsinin yerləşdiyi parkda cari təmir işləri aparılır. Zorge abidəsi bərpa edilir.
Belə ki, parkda istismar müddəti başa çatmış və yararsız vəziyyətdə olan tamet daşları, pilləkənlər cari təmir olunub, işıq dirəkləri və oturacaqlar rənglənib.
Eyni zamanda Zorge abidəsinin yerləşdiyi parkda 6000 ədəd müxtəlif növ mövsümü gül kolları əkilib, yararsız vəziyyətdə olan qazon örtüyü dəyişdirilib, ağaclara aqrotexniki qulluq göstərilib.
İşlərin keyfiyyətlə həyata keçirilməsi daim nəzarətdə saxlanılmaqla, rayonun ayrı-ayrı ünvanlarında abadlıq, quruculuq və təmir işləri davam etdirilir.
