İctimai Şuranın üzvləri

Abbasov Əbülfət Əsgər oğlu

1964-cü ildə anadan olub.

1983-1985-ci illərdə hərbi xidmətdə olmuşdur.

1985-ci ildə Daşkənd Dövlət Xalq Təsərrüfatı İnstitutunda ali təhsil səviyyəsinə yiyələnmişdir.

1994-1999-cu illərdə isə Moskva Açıq Humanitar İnstitutunun hüquq fakültəsini bitirmişdir.

2006-cı ildə Nəsimi İH-də mühəndis daha sonra, 41 saylı MKİS-in rəisi vəzifəsində çalışmışdır. 2013-cü ildə “Leqal Konsaltinq” şirkətində hüquqşünas vəzifəsində çalışmışdır.

Nəsimi rayon ərazisinin ictimai-siyasi həyatında aktiv fəaliyyətlə məşğuldur.

Yeni Azərbaycan Partiyasının üzvüdür.

Ailəlidir.

Abdullayev Aqşin Akif oğlu

1985-ci ildə Bakı şəhərində ziyalı ailəsində anadan olub.

2003-cü ildə Nəsimi rayon ərazisində yerləşən Üzeyir Hacıbəyov adına Bakı Musiqi Akademiyasına daxil olmuş 2007-ci ildə akademiyanı müvəffəqiyyətlə başa vurmuşdur.

2007-ci ildə ÜNS teatrının ilk tamaşası olan "Bakı" tamaşasında baş rolda oynamışdır. 2007-ci ildə Akademiya televiziya və Qazaxıstanda keçirilən MDB dövlətləri arasında estrada yarışmasının qalibi, eyni zamanda Türkdilli ölkələr arasında keçirilən Mavi Akdeniz musiqi yarışmasının birincisi olmuşdur.  

2017-ci ildə Azərbaycan Respublikasının Prezidenti cənab İlham Əliyevin sərəncamı ilə “Əməkdar artist” fəxri adı ilə təltif olunmuşdur.

Azərbaycanı musiqi sahəsində müxtəlif ölkələrdə təmsil etmiş, bir sıra Avropa ölkələrində, MDB ölkələrində, Türkdilli ölkələrdə solo konsertlərlə, eləcə də      2024-cü il 1 fevral tarixində ölkənin ən aparıcı sarayı olan Heydər Əliyev sarayında “Əbədi Sevgi” adlı solo konserti ilə çıxış etmişdir.

Hal-hazırda Azərbaycan Dövlət Prezidenti yanında İdarəçilik Akademiyasında ikinci təhsilini qiyabi olaraq davam etdirir.

Nəsimi rayon ərazisinin ictimai-siyasi həyatında aktiv fəaliyyət göstərir.

Ailəlidir, 2 övladı var.

Calalov Mirhaşim Rəhim oğlu

1984-cü ildə Bakı şəhərində anadan olub. 2006-cı ildə Azərbaycan Beynəlxaq Universitetinin Müalicə işi fakültəsini bitirmişdir. 2006-2007-ci illərdə Respublika Klinik Uroloji Xəstəxananın Hemodializ şöbəsində nefrologiya üzrə internatura kursunu keçmişdir. 2005-2006-cı illərdə Respublika Klinik Uroloji Xəstəxananın Hemodializ şöbəsində tibb qardaşı, 2007-2011-ci illərdə Respublika Klinik Uroloji Xəstəxananın Hemodializ şöbəsində həkim-nefroloq, 2011-2013-cü illərdə Klinik Tibbi Mərkəzin Hemodializ şöbəsində həkim-nefroloq, 2013-cü ildən 2020-ci ilin sentyabr ayınadək həmin şöbənin müdiri vəzifəsində çalışmışdır. 2020-ci ilin sentyabr ayından  Mərkəzi Neftçilər Xəstəxanasının Hemodializ şöbəsinin müdiridir. Səhiyyə Nazirliyinin Hemodializ üzrə Komissiyasının üzvü, Hemodializ xəstələri üçün məlumat kitabçasının həmmüəllifidir. Müxtəlif elmi konfransların iştirakçısıdır. Klinik Tibbi Mərkəzin Yeni Azərbaycan Partiyasının ərazi üzrə ilk partiya təşkilatının sədr müavinidir. Ailəlidir.

Əhmədov Fazil Ağamirzə oğlu

1976-cı ildə anadan olub.  1993-cü ildə orta məktəbi bitirib, hazırkı Azərbycan Dövlət İqtisad Universitetinə qəbul olaraq, "İqtisadiyyatın tənzimlənməsi" fakültəsində təhsil alıb.

1998-ci ildən başlayaraq, müxtəlif mətbu orqanlarında – “Olaylar”, “Günaydın”, “Reytinq”, və “Lider”-də fəaliyyət göstərib.

Hal-hazırda media reysterindən keçmiş “Mia.az xəbər portalının”-nın təsisçisi və direktorudur.

Azərbaycan Respublikasının Prezidenti cənab İlham Əliyev tərəfindən 2017-ci ildə səmərəli fəaliyyətinə görə mənzillə mükafatlandırılmışdır.

Nəsimi rayon ərazisinin ictimai-siyasi həyatında aktiv fəaliyyət göstərir. Ailəlidir, iki övladı var.

Xudiyev Azər İbrahim oğlu

1980-ci il tarixində Bakı şəhərində anadan olub.

Orta təhsilini Nəsimi rayonu ərazisində yerləşən 42 saylı orta məktəbdə başa vurmuşdur.

1997-2001-ci il tarixlərində Azərbaycan Respublikasının Prezidenti Yanında Dövlət İdarəçilik Akademiyasında Politologiya ixtisası üzrə ali təhsil alıb. 2001-2003-cü illərdə ARPYDİA-da eyni ixtisas üzrə magistr pilləsində təhsilini davam etdirib. 2003-2006-cı illərdə Azərbaycan Dövlət İqtisad Universitetində, aspirantura təhsil pilləsində İqtisadiyyatın dövlət tənzimləməsi ixtisası üzrə təhsil alıb.

5 dekabr 2005-ci il tarixində Saf Farm şirkətini təsis etmişdir. 01.01.2014-19.01.2016-cı il tarixlərində "Saf Farma" Məhdud Məsuliyyətli Cəmiyyətində direktor, 09.04.2020-07.01.2021-ci il tarixlərində "Yurd Pharma" Məhdud Məsuliyyətli Cəmiyyətində İcraçı direktor vəzifəsində çalışmışdır. 20 may 2020-ci il tarixində “Medical Media” MMC-ni təsis etmiş, 11.06.2020-05.05.2021-ci il tarixlərində "Medical Media" Məhdud Məsuliyyətli Cəmiyyətində Direktor vəzifəsində çalışmışdır. Hal-hazırda Səhiyyə Televizyasının direktorudur.

Nəsimi rayon ərazisinin ictimai-siyasi həyatında aktiv fəaliyyət göstərir. 4 övladı var.

İsayev Ramiz Mirqasım oğlu

1990-cı ildə anadan olub. Orta təhsilini 1996-2007 illərdə Nəsimi rayonunda yerləşən Heydər Əliyev adına Müasir Təhsil Kompleksində alıb.

2007-2013-cü illərdə Bakı Dövlət Universitetinin Beynəlxalq hüquq fakültəsində beynəlxalq hüquq üzrə, 2016-2019-cu illərdə Azərbaycan Respublikasının Prezidenti Yanında Dövlət İdarəçilik Akademiyasının “İnzibati idarəetmə fakültəsində” - "Dövlət və bələdiyyə idarəetməsi" ixtisası üzrə almışdır.  

2009-2010-cu illərdə Azərbaycan Respublikası Silahlı Qüvvələrinə həqiqi hərbi xidmətdə olmuşdur.

21.01.2021-ci il tarixindən hal-hazıradək "Azərbaycan Tikinti İstehsalçıları Assosiasiyası" Kommersiya Hüquqi şəxslərinin İttifaqının İdarə Heyətinin sədri vəzifəsində çalışır.

Nəsimi rayon ərazisinin ictimai-siyasi həyatında aktiv fəaliyyət göstərir.

Ailəlidir.

Rüstəmov Tahir Aydın oğlu

1959-cu il təvəllüdlü Bakı şəhər Nəsimi rayon sakinidir. 1977--1982-ci illərdə Azərbaycan Dövlət Universitetinin (BDU) jurnalistika fakültəsində, 1984-1986-cı illərdə Azərbaycan KP MK Marksizm-Leninizm Universitetinin jurnalistika şöbəsində oxumuş, hər iki məktəbi fərqlənmə diplomu ilə bitirmişdir. 1993-cü ildə ABŞ Dövlət İnformasiya Agentliyində, 2010-cu ildə Misirdə Qahirə Universitetində 1 aylıq jurnalistika kursları keçmiş, 2000--2002-ci illərdə Fransanın Lill Ali Jurnalistika Məktəbinin təlimçi ixtisası almışdır. 1983--1988-ci illərdə Azərbaycan Dövlət Teleradio Verilişləri Komitəsində AzTV- nin xəbərlər baş redaksiyasında kiçik redaktor, redaktor, böyük redaktor vəzifələrində işləmişdir. 1988-ci ildə ölkənin avanqard "Xalq qəzeti" (keçmiş "Kommunist" qəzeti) redaksiyasına dəvət olunmuş, baş müxbir, bölgə müxbiri, baş redaktorun birinci müavini vəzifələrində çalışmışdır. Sonrakı dövrdə redaksiya strukturundakı dəyişikliklə əlaqədar fəaliyyətini məsul əməkdaş, redaksiya heyətinin üzvü kimi davam etdirir. Azərbaycan Respublikasının Əməkdar jurnalisti fəxri adına, Ali Media, Həsən bəy Zərdabi və "Araz" yaradıcılıq mükafatlarına layiq görülüb. Azərbaycan Mətbuat Şurası nəzarət-təftiş komissiyasının sədri, Ahil Jurnalistlər Məclisi sədrinin müavini, Azərbaycan Respublikası Prezidenti yanında KİV-ə Dəstək Fondunun və Dövlət İmtahan Mərkəzinin ekspertidir. 40 ildən artıq jurnalist-publisist fəaliyyətim dövründə müxtəlif mövzulu və janrlı çoxsaylı teleradio süjet və verilişinin, 1000-dən çox qəzet-jurnal yazısının, media tarixinə dair 10-dan artıq kitabın müəllifidir. Prezident İlham Əliyevin liderlik fəaliyyətinin salnaməsi olan "Böyük siyasətin davamı" çoxcildliyinin 7 cildinin nəşriyyat redaktoru, bir sıra kitabların redaktoru olub.

Qasımov Qabil Şamil oğlu

1959-cu ildə Qəbələ rayonunda anadan olub.  1978-1980-ci illərdə Sovet ordusu sıralarında xidmət etmişdir.

1981-ci ildə M.F.Axundov adına Azərbaycan Pedaqoji İnstitutuna qəbul olub. Ali təhsilini 1986-cı ildə başa vurmuşdur.

Ali təhsilini bitirdikdən sonra 1986-1989-cu illərdə pedaqoji fəaliyyət göstərmişdir.

1988-1992-ci illərdə Gənclər Mərkəzinin direktoru vəzifəsində işləmişdir.

1998-ci ildən “Səma MMC”-nin təsisçisi olmuşdur və hal-hazırda baş direktorudur.

Azərbaycan Təhsil İşçiləri Azad Həmkarlar İttifaqı Nəsimi rayon komitəsinin üzvüdür.

Nəsimi rayon ərazisinin ictimai-siyasi həyatında aktiv fəaliyyətlə məşğuldur.

Evlidir, üç övladı var.

Qasımov Münasib Teymur oğlu

1957-ci ildə anadan olub. 1976-cı ildə hərbi xidmətdə olmuşdur.

1982-cü ildə Azərbaycan İnşaat Mühəndislik Universitetinin “İnşaat Mühəndisi” ixtisasını başa vurmuşdur.

1976-1995-ci illərdə müxtəlif özəl sahələrdə mühəndis, böyük mühəndis, baş konstruktor, şöbə müdiri, trest rəisi vəzifələrində çalışıb.

1995-ci ildə müəssisələr arası “Çıraq” Assossiyasının bir sıra məsul vəzifələrində fəaliyyət göstərib.

1998-2001-ci illərdə “Teymuroğlu” şirkətində direktor, 2019-cu ildən isə “Onur STYLE” MMC-yə direktor təyin edilib.

Nəsimi rayonunun ictimai həyatında fəal iştirak edir.

Ailəlidir, üç övladı var.

Xəlilov Vahid Əziz oğlu

1956-cı ilin sentyabr ayının 18-də Ellərkənddə anadan olub.1963-cü ildə Ellərkənd 8-illik məktəbinin 1-ci sinfinə getmiş, 1973-cü ildə qonşu Güllücə kəndində orta təhsili başa vurmuşdur.

1974-1976-cı illərdə ordu sıralarında xidmət etmişdir. 1977-ci ildə Azərbaycan Dövlət Pedaqoji İnstitutunun (ADPU) tarix fakültəsinə qəbul olmuş, 1982-ci ildə oranı müvəffəqiyyətlə bitirmişdir. 1980-ci ildə Amasiya rayonunun Çivinli kənd orta məktəbində tarix müəllimi kimi pedaqoji fəaliyyətə başlamış, 1982-ci ildə həmin məktəbə tərbiyə işləri üzrə direktor müavini vəzifəsinə təyin olunmuşdur.

Səmərəli pedaqoji fəaliyyətinə görə 1983-cü ildə "Maarif əlaçısı" döş nişanına, 1987-ci ildə "Baş müəllim" adına layiq görülmüşdür.

1989-cu ildə Nəsimi rayonu 35 nömrəli tam orta məktəbə təlim-tərbiyə işləri üzrə direktor müavini işləmişdir. 1990-2004-cü illərdə Nəsimi rayonu 35 nömrəli tam orta məktəbdə və 2004-2023-cü illərdə isə Nəsimi rayonu 159 nömrəli tam orta məktəbdə direktor vəzifəsində işləmişdir.

2009-cu ildən tarix üzrə fəlsəfə doktorudur.

2002-ci ildə "Qabaqcıl təhsil işçisi” adına layiq görülmüş, 2006-cı ildə "İlin məktəb direktoru" fəxri adı ilə təltif olunmuşdur.

2007-ci ildə  gənc nəslin təlim-tərbiyəsində əldə etdiyi nailiyyətlərə və ictimai işlərdə səmərəli fəaliyyətinə görə Bakı Şəhəri üzrə Təhsil İdarəsinin diplomuna layiq görülmüş, rəhbərlik etdiyi məktəbin göstəriciləri yüksək olduğu üçün 2008-ci ildə "Yaradıcı direktor" diplomu ilə təltif olunmuşdur.

2022-ci ildən Nəsimi Rayon Ağsaqqallar Şurasının üzvi kimi fəaliyyət göstərir.